'ബിന്ദ്ര’ജാലം; ഷൂട്ടിംഗില്‍ അഭിനവ് ബിന്ദ്ര ഫൈനലിൽ

റിയോ ഡി ജനീറോ: ഇന്ത്യയുടെ മെഡല്‍ പ്രതീക്ഷ അഭിനവ് ബിന്ദ്ര ഫൈനലില്‍ കടന്നു. 50 പേർ മത്സരിച്ച ആദ്യ റൗണ്ടിൽ ഏഴാം സ്ഥാനത്തെത്തിയാണ് ബിന്ദ്ര ഫൈനലിലേക്ക് യോഗ്യത നേടിയത്. 625.7 പോയിന്‍റാണ് ബിന്ദ്രയ്ക്കുള്ളത്. വ്യക്തിഗത ഇനത്തില്‍ ഒളിംപിക്‌സ് സ്വര്‍ണം നേടിയ ഒരേയൊരു ഇന്ത്യന്‍ താരമാണ് അഭിനവ് ബിന്ദ്ര.

ബെയ്ജിങ് ഒളിമ്പിക്സിലെ സ്വർണ നേട്ടം ബിന്ദ്രയ്ക്ക് റിയോയിലും ആവർത്തിക്കാൻ സാധിക്കുമെന്ന പ്രതീക്ഷയിലാണ് രാജ്യം. ഒരിക്കല്‍ക്കൂടി ബിന്ദ്രയ്ക്ക് സ്വര്‍ണം നേടാനായാല്‍ മറ്റൊരു ചരിത്രത്തിനു കൂടി അതു സാക്ഷ്യംവഹിക്കും. ഒളിംപിക്‌സ് ചരിത്രത്തില്‍ ഒരു ഷൂട്ടറും രണ്ടാംതവണ സ്വര്‍ണം നേടിയിട്ടില്ല.

2014 ഗ്ലാസ്‌ഗോ കോമണ്‍വെല്‍ത്ത് ഗെയിംസ്, 2010 ദില്ലി കോമണ്‍വെല്‍ത്ത് ഗെയിംസ്, 2006 മെല്‍ബമ് കോമന്‍ വെല്‍ത്ത് ഗെയിംസ്, 2002 മാഞ്ചസ്റ്റര്‍ കോമണ്‍ വെല്‍ത്ത് ഗെയിംസ് എന്നീ കായിക മേളകളില്‍ 10 മീറ്റര്‍ എയര്‍ റൈഫിള്‍ വിഭാഗത്തില്‍ സ്വര്‍ണ ജേതാവെന്ന മികച്ച ട്രാക്ക് റെക്കോഡെയാണ് ബിന്ദ്രക്കുണ്ട്. ഷൂട്ടിങ്ങിൽ ഇന്ത്യയുടെ ഉറച്ച മെഡൽ പ്രതീക്ഷയായിരുന്ന ഗഗൻ നാരംഗിന് 23മത് സ്ഥാനത്തെത്താനെ സാധിച്ചുള്ളു. നേരത്തെ ഷൂട്ടിങ്ങിൽ ജിതു റായിക്കും, ഹീന സിദ്ധുവിനും മികച്ച പ്രകടനം നടത്താൻ സാധിച്ചിരുന്നില്ല