സെറീനയും സിമോണയും ഉത്തേജക മരുന്ന് വിവാദത്തിൽ

അമേരിക്കൻ ടെന്നീസ് താരം സെറീന വില്യംസും ജിംനാസ്റ്റ് സിമോണ ബിൽസും ഉത്തേജക മരുന്ന് ഉപയോഗിച്ചുവെന്ന് റഷ്യൻ ഹാക്കർമാർ പുറത്തുവിട്ടു. വാഡയുടെ ഔദ്യോഗിക ഏജൻസിയുടെ വെബ്‌സൈറ്റിലെ രഹസ്യ മെഡിക്കൽ ഫയലുകൾ ഹാക്കർമാർ ചോർത്തി. വെബ്‍സൈറ്റ് ഹാക്ക് ചെയ്യപ്പെട്ടു എന്ന് വാഡ ഡയറക്ടർ വെളിപ്പെടുത്തിയതിനെ തുടർന്നാണ് ഈ വെളിപ്പെടുത്തൽ. ഫാൻസി ബിയേഴ്സ് എന്നാണ് ഹാക്കർമാരുടെ സംഘത്തിന്‍റെ പേര്.

ഇരുവരുടെയും പരിശോധന ഫലങ്ങൾ വെബ്‍സൈറ്റിലുണ്ടെന്നും അമേരിക്കയോടുള്ള വിധേയത്വം കൊണ്ട് വാഡ അത് പുറത്തു വിടാത്തതുമാണെന്നു ഹാക്കർമാർ ആരോപിക്കുന്നു. ഒളിമ്പിക്സിന് മുൻപുള്ള ഉത്തേജക മരുന്ന് പരിശോധനയിൽ സിമോണ പരാജയപ്പെട്ടിരുന്നു. തങ്ങൾ റഷ്യൻ താരങ്ങളെ തള്ളിയത് കൊണ്ടാണ് റഷ്യൻ ഹാക്കർമാർ ഇങ്ങനെ ഒരു പ്രചാരണം നടത്തുന്നതെന്ന് വാഡ പ്രതികരിച്ചു.