ഒളിമ്പിക്‌സ് പരിശീലനത്തിന് താരങ്ങൾക്ക് 50000 രൂപ സ്റ്റൈപൻഡ്

ന്യൂഡൽഹി: മികച്ച പ്രകടനം കാഴ്‍ചവെക്കുന്ന കായികതാരങ്ങൾക്ക് അടുത്ത കോമൺവെൽത്ത്, ഏഷ്യന്‍ ഗെയിമുകളിൽ പങ്കെടുക്കുന്നതിന് മാസം 50000 രൂപ സ്റ്റൈപൻഡ് നൽകാൻ തീരുമാനിച്ചു.ടോക്യോ ഒളിമ്പിക്‌സിൽ പങ്കെടുക്കുന്നവർക്കും സ്റ്റൈപൻഡ് നൽകും. കേന്ദ്ര കായിക മന്ത്രാലയവും യുവജനക്ഷേമമന്ത്രാലയവും സംയുക്തമായാണ് തീരുമാനം കൈക്കൊണ്ടത്.

കേന്ദ്ര കായിക മന്ത്രി രാജ്യവർധൻ റാത്തോഡ് ആണ് തീരുമാനം ട്വിറ്ററിലൂടെ അറിയിച്ചത്. നേരത്തെ രൂപീകരിച്ച ഒളിമ്പിക് ടാസ്ക് ഫോഴ്‌സ് കഴിഞ്ഞ ഓഗസ്റ്റ് 11 ന് സമർപ്പിച്ച റിപ്പോർട്ട് പ്രകാരമാണ് കേന്ദ്ര തീരുമാനം. ഇന്ത്യയുടെ ഒളിമ്പിക് പ്രകടനം മെച്ചപ്പെടുത്തുന്നതിനുള്ള നിർദേശങ്ങൾ മുന്നോട്ട് വെക്കാനാണ് ടാസ്‌ക് ഫോഴ്‌സ് രൂപീകരിച്ചത്. സ്റ്റൈപൻഡ് നൽകുന്നതിനായി 152 കായികതാരങ്ങളെ ഇതിനോടകം തെരഞ്ഞെടുത്തു കഴിഞ്ഞു. സെപ്റ്റമ്പർ 1 മുതൽ സ്റ്റൈപൻഡ് നൽകി തുടങ്ങും.
MYAS @IndiaSports announces Rs 50k/month pocket allowance for 152 elite athletes preparing for Tokyo/CWG/Asian Games. Athletes first,always! — Rajyavardhan Rathore (@Ra_THORe) September 15, 2017 top athletes to get monthly stipend of rs 50,000

Sports Minister Rajyavardhan Rathore through his official twitter handle made the announcement on 50,000 stipend for elite athletes