റിലേയിലും സ്വർണ്ണവുമായി ബോൾട്ടിന് ട്രിപ്പിൾ ട്രിപ്പിൾ

പുരുഷന്‍മാരുടെ 4x100 മീറ്ററില്‍ ജമൈക്കയ്ക്കു സ്വര്‍ണം. ഉസൈന്‍ ബോള്‍ട്ട് അടങ്ങിയ ടീമാണ് സ്വര്‍ണം നേടിയത്. റിയോയില്‍ ബോള്‍ട്ടിന്റെ മൂന്നാം സ്വര്‍ണമാണിത്. മൂന്ന് ഒളിമ്പിക്സുകളിലായി ഇതോടെ ബോൾട്ടിന്‍റെ സ്വർണ്ണനേട്ടം 9 ആയി. നേരത്തേ, 100, 200 മീറ്ററുകളില്‍ ബോള്‍ട്ട് സ്വര്‍ണം നേടിയിരുന്നു. തുടര്‍ച്ചയായ മൂന്ന് ഒളിംപിക്സുകളില്‍ ഹാട്രിക് നേടുന്ന താരമായി ബോള്‍ട്ട് മാറി. മുമ്പ് പറഞ്ഞ ട്രിപ്പിൾ ട്രിപ്പിളും സ്വന്തമാക്കി. വെള്ളി മെഡൽ ജപ്പാൻ ടീം നേടി. കാനഡയ്ക്കാണ് വെങ്കലം.

വനിതകളുടെ 4x100 മീറ്ററില്‍ യുഎസ് സ്വര്‍ണം നേടി. ജമൈക്ക വെള്ളിയും ബ്രിട്ടന്‍ വെങ്കലും നേടി.
അതേസമയം, 4x100 മീറ്റര്‍ റിലേ ഹീറ്റ്സില്‍ ഇന്ത്യയുടെ പുരുഷ - വനിതാ ടീമുകള്‍ പുറത്തായി. 37.27 സെക്കൻഡിലാണ് ജമൈക്കൻ ടീം ഓട്ടം പൂര്‍ത്തിയാക്കിയത്.