അമ്പെയ്ത്ത് മത്സരം: അപേക്ഷ ക്ഷണിച്ചു

സംസ്ഥാനത്തെ പട്ടികവര്‍ഗക്കാര്‍ക്കായുള്ള മുപ്പത്തിനാലാമത് സംസ്ഥാനതല തലയ്ക്കല്‍ ചന്തു സ്മാരക റോളിംഗ് ട്രോഫി അമ്പെയ്ത്ത് മത്സരങ്ങള്‍ക്ക് അപേക്ഷ ക്ഷണിച്ചു.

കിര്‍ടാഡ്‌സിന്റെ ആഭിമുഖ്യത്തില്‍ സംഘടിപ്പിക്കുന്ന അമ്പെയ്ത്ത് മത്സരത്തില്‍ പങ്കെടുക്കാന്‍ താത്പര്യമുള്ള ടീമുകള്‍, ടീമിന്റെ പേര്, മേല്‍വിലാസം, ടീമംഗങ്ങളുടെ പേര്, വയസ് (18 - 40 വയസിനുള്ളില്‍), സമുദായം, ഫോണ്‍ നമ്പര്‍ എന്നിവ ഉള്‍പ്പെടെയുള്ള അപേക്ഷ, സമുദായം, വയസ് എന്നിവ തെളിയിക്കുന്നതിനുള്ള സര്‍ട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകര്‍പ്പ് സഹിതം, ഡപ്യൂട്ടി ഡയറക്ടര്‍ (പരിശീലനം), ഡയറക്ടറേറ്റ് ഓഫ് കിര്‍ടാഡ്‌സ്, ചേവായൂര്‍ പി.ഒ, കോഴിക്കോട് - 17 എന്ന വിലാസത്തില്‍ സെപ്തംബര്‍ 20 ന് മുമ്പ് അയയ്ക്കണം.