നൂറ്റാണ്ടിൻ്റെ വിവാഹത്തിന് റൊസാരിയോ സാക്ഷിയായി

റൊസാരിയോ: നൂറ്റാണ്ടിൻ്റെ വിവാഹത്തിന് റൊസാരിയോ സാക്ഷിയായി. ലോക ഫുട്ബോൾ ഇതിഹാസം ലയണൽ മെസി ബാല്യകാലസഖി അൻ്റോണെല്ല റോക്കുസോയെ മിന്നു ചാർത്തി സഖിയാക്കി. നൂറ്റാണ്ടിൻ്റെ വിവാഹത്തിന് അർജൻ്റീനയിലെ പട്ടണമായ റൊസാരിയോ ആതിഥ്യമരുളിയപ്പോൾ മക്കളായ തിയാഗോയും മാറ്റിയോയും ചടങ്ങിന് സാക്ഷികളായി.

ഫുട്ബോൾ താരങ്ങളും സെലിബ്രിറ്റികളും അടക്കം 260 ഓളം അതിഥികൾ ചടങ്ങിൽ പങ്കെടുക്കാൻ എത്തിയിരുന്നു. ചടങ്ങുകളുടെ സുരക്ഷയ്ക്കായി 100 കണക്കിന് പൊലീസുകാരെ ആയിരുന്നു വിന്യസിച്ചിരുന്നത്.

ബാഴ്സലോണയിലെ സഹതാരങ്ങളായ ലൂയിസ് സുവാരസ്, നെയ്മർ, ജെറാർഡ് പിക്വെ, ഭാര്യയും പോപ് താരവുമായ ഷക്കീറ എന്നിവർ അടക്കം താരസമ്പന്നമായിരുന്നു വിവാഹവേദി. മെസിക്ക് അഞ്ചു വയസ് ഉള്ളപ്പോൾ ആണ് തന്നേക്കാൾ ഒരു വയസിന് ഇളപ്പമുള്ള റോക്കുസോയെ കണ്ടുമുട്ടിയത്. മെസിയുടെ അടുത്ത സുഹൃത്ത് ലുക്കാസ് സ്കാജിലയുടെ കസിൻ ആയിരുന്നു റോക്കുസോ. സൌഹൃദമായി തുടങ്ങിയ ബന്ധം വളർന്നു പ്രണയമായി. കഴിഞ്ഞ ഒമ്പതു വർഷമായി ഇരുവരും ഒരുമിച്ചായിരുന്നു താമസിച്ചിരുന്നത്.

Argentina hosts Lionel Messi's 'wedding of the century

Argentine football star Lionel Messi has married his childhood sweetheart in his hometown in what has been called the "wedding of the century".