ഏഷ്യ കപ്പ് ഹോക്കി: ജപ്പാനെ 5-1ന് തകർത്ത് ഇന്ത്യ

ധാക്ക: ഏഷ്യ കപ്പ് ഹോക്കിയിൽ ഇന്ത്യക്ക് വിജയത്തുടക്കം. ബുധനാഴ്ച ആരംഭിച്ച ടൂർണമെൻറിൻെറ ആദ്യ മത്സരത്തിൽ ജപ്പാനെ 5-1നാണ് ഇന്ത്യ തകർത്ത് വിട്ടത്. പുതിയ കോച്ചിൻെറ കീഴിൽ ഇന്ത്യൻ സംഘം ഇറങ്ങുന്ന ആദ്യ ടൂർണമെൻറാണ് ഇത്. തുടക്കത്തിലെ മിന്നുന്ന ജയം ഇന്ത്യക്ക് മികച്ച പ്രതീക്ഷകളാണ് നൽകുന്നത്.

ഇന്ത്യക്ക് വേണ്ടി ഹർമൻപ്രീത് സിങ് രണ്ട് ഗോളുകൾ നേടി. എസ് വി സുനിൽ, ലളിത് ഉപാധ്യായ്, രമൻദീപ് സിങ് എന്നിവർ ഓരോ ഗോളുകളും നേടി. കെഞ്ജി കിറ്റസാറ്റോയാണ് ജപ്പാൻെറ ആശ്വാസഗോൾ നേടിയത്. ആദ്യ മത്സരത്തിലെ ജയത്തോടെ തികഞ്ഞ ആത്മവിശ്വാസത്തിലാണ് ലോക റാങ്കിങിൽ ആറാം സ്ഥാനക്കാരായ ടീം ഇന്ത്യ.

Asia Cup hockey: India defeats Japan

Indian won against Japan (5-1) in the opening match at the 10th edition of the men' Asia Cup hockey tournament.