ഏഷ്യന്‍ ഗെയിംസ്; തുഴച്ചിലിൽ ഇന്ത്യയ്ക്ക് വെങ്കലം

ജക്കാര്‍ത്ത: ഏഷ്യന്‍ ഗെയിംസിലെ തുഴച്ചില്‍ മത്സരത്തില്‍ ഇന്ത്യ വെങ്കലം നേടി. പുരുഷന്മാരുടെ ലൈറ്റ് വെയ്റ്റ് സിംഗിള്‍ സ്കള്‍സ് തുഴച്ചിലില്‍ ദുഷ്യന്ത് ചൗഹാനും ഡബിള്‍സ് സ്കള്‍സില്‍ രോഹിത് കുമാറും ഭഗവാന്‍ സിങുമാണ് വെങ്കലം നേടിയത്.

സിംഗിള്‍ സ്കള്‍സ് ഫൈനലില്‍ 7.18.76 സെക്കന്‍ഡിലാണ് ദുഷ്യന്ത് തുഴഞ്ഞെത്തിയത്. ആദ്യ പകുതിയില്‍ രണ്ടാം സ്ഥാനത്തായിരുന്നു ദുഷ്യന്ത്. അവസാനം മൂന്നാം സ്ഥാനത്തേയ്ക്ക് എത്തുകയായിരുന്നു. 2014 ലെ ഏഷ്യന്‍ ഗെയിംസിലും ദുഷ്യന്ത് വെങ്കലം നേടിയിരുന്നു.

ഏഷ്യന്‍ ഗെയിംസില്‍ ഇന്ത്യയുടെ മെഡല്‍ നില ഇപ്പോള്‍ ഇരുപതായി.

ചിത്രം കടപ്പാട്: mid day