റൊണാൾഡോ പോയപ്പോഴാണ് റയൽ ടീമായത്; ഗാരെത് ബെയ‍്‍ൽ

മാഡ്രിഡ്: റയൽ മാഡ്രിഡ് ഒറ്റക്കെട്ടായി മികച്ച ടീമായത് ക്രിസ്റ്റ്യാനോ റൊണാൾഡോ പോയതിന് ശേഷമാണെന്ന് ഗാരെത് ബെയ‍്‍ൽ. റൊണാൾഡോ യുവൻറസിലേക്ക് പോയതിന് ശേഷമുള്ള ടീം വർക്കിനെ കുറിച്ച് പ്രതികരിക്കുകയായിരുന്നു ബെയ‍്‍ൽ. ഈ സീസൺ തുടങ്ങുന്നതിന് തൊട്ട് മുമ്പാണ് റൊണാൾഡോ യുവൻറസിലേക്ക് മാറിയത്.

ലാലിഗയിൽ കഴിഞ്ഞ നാലിൽ മൂന്ന് മത്സരങ്ങളിലും റയൽ മാഡ്രിഡ് മിന്നുന്ന വിജയമാണ് നേടിയത്. റൊണാൾഡോ പോയതിന് ശേഷം ശേഷം ടീമിൻെറ കുന്തമുനയാണ് ബെയ‍്‍ൽ. ചാമ്പ്യൻസ് ലീഗിലെ റയലിൻെറ മുന്നേറ്റ നിരയ്ക്ക് ചുക്കാൻ പിടിക്കുന്നത് ഈ വെൽഷ് വിംഗറാണ്.

"റൊണാൾഡോ ഇല്ലാത്തതിനാൽ കുറേക്കൂടി ആശ്വാസത്തോടെ കളിക്കാൻ സാധിക്കുന്നുണ്ട്. ഒറ്റയാൾ പോരാട്ടത്തിൽ നിന്ന് മാറി ഇപ്പോഴാണ് റയൽ ഒരു മികച്ച ടീമായി മാറിയത്," ബെയ‍്‍ൽ കൂട്ടിച്ചേർത്തു.