എല്‍ ക്ലാസികോ: ഒപ്പത്തിനൊപ്പം ബാഴ്സയും റയലും

ഫുട്ബോൾ ആരാധക‍ർ ആവേശപൂ‍ർവ്വം കാത്തിരുന്ന മത്സരം സമനിലയിൽ. ബാഴ്സയുടെ സുവാരസും റയലിന്‍റെ സെർജിയോയും ഓരോ ഗോൾ വീതം നേടിയാണ് മത്സരം അവസാനിച്ചത്. ബാഴ്‍സലോണയുടെ തട്ടകമായ കാംപ് നൂവിൽ പതിയെ തുടങ്ങിയ മത്സരം ചൂട് പിടിച്ചത് ആദ്യ പകുതിക്ക് ശേഷമാണ്. 52-ആം മിനിട്ടിൽ സുവാരസിന്‍റെ ഹെഡ്ഡ‍ർ ബാഴ്സലോണയെ മുന്നിലെത്തിച്ചു. ക്രിസ്റ്റ്യാനോ റൊണാൾഡോയുടെ റയലിനായുള്ള മുന്നേറ്റങ്ങളും ബാഴ്സയുടെ മെസ്സി-നെയ്മർ-സുവാരസ് നീക്കങ്ങളും കാണികൾക്ക് ആവേശമായി.

വിജയം ബാഴ്സനേടും എന്നുറപ്പിച്ച മത്സരത്തിന്‍റെ തൊണ്ണൂറാം മിനിറ്റിൽ വീണ്ടും ഹെഡ്ഡർ. റയലിന്റെ സെ‍ര്‍ജിയോ റാമോസ് വിട്ടുകൊടുക്കാൻ തയ്യാറായിരുന്നി. വീണ്ടും റയലാണ് നിലവില്‍ പോയിന്‍റ് പട്ടികയില്‍ ഒന്നാമത്. സിദാന്‍റെ കീഴില്‍ കളിക്കുന്ന റയല്‍, ലീഗില്‍ ഇതുവരെ പരാജയം അറിഞ്ഞിട്ടില്ല. ബാഴ്‍സലോണ രണ്ട് തവണ തോല്‍വി രുചിച്ചിട്ടുണ്ട്.

.