മാഡ്രിഡ്: ലൂയി സുവാരസിൻെറ ഗോളടി മികവിൽ റയൽ മാഡ്രിഡിനെ തകർത്ത് ബാഴ്സലോണ കോപ്പ ദെൽ റേ ഫൈനലിൽ കടന്നു. എതിരില്ലാത്ത മൂന്ന് ഗോളുകൾക്കാണ് ബാഴ്സലോണ വിജയിച്ചത്. സുവാരസ് രണ്ട് ഗോളടിച്ചപ്പോൾ റാഫേൽ വരാനെയുടെ സെൽഫ് ഗോളിലാണ് റയലിൻെറ പരാജയം പൂർത്തിയായത്. രണ്ട് പാദങ്ങളിലുമായി റയലിനെ 4-1ന് തോൽപ്പിച്ച് ബാഴ്സ ഫൈനലിൽ കടക്കുകയായിരുന്നു. ആറാം തവണയാണ് തുടർച്ചയായി ടീം കോപ്പ ദെൽ റേ ഫൈനലിൽ കടക്കുന്നത്. മത്സരത്തിൽ റയലിന് പല ഘട്ടങ്ങളിലും മേധാവിത്വം ഉണ്ടായിരുന്നുവെങ്കിലും അവസരങ്ങൾ മുതലാക്കാൻ അവർക്കായില്ല.
മത്സരത്തിൻെറ ആദ്യപകുതി ഗോൾരഹിതമായിരുന്നു. രണ്ടാം പകുതിയിലാണ് ബാഴ്സലോണ മൂന്ന് ഗോളുകളും അടിച്ചത്. പെനാൽറ്റിയിലൂടെയാണ് സുവാരസ് ഒരു ഗോൾ നേടിയത്.
മത്സരത്തിൻെറ ആദ്യപകുതി ഗോൾരഹിതമായിരുന്നു. രണ്ടാം പകുതിയിലാണ് ബാഴ്സലോണ മൂന്ന് ഗോളുകളും അടിച്ചത്. പെനാൽറ്റിയിലൂടെയാണ് സുവാരസ് ഒരു ഗോൾ നേടിയത്.