കുട്ടീന്യോ ടീമിനൊപ്പം ചേരാൻ വൈകുമെന്ന് ബാഴ‍്‍സലോണ

ബാഴ‍്‍സലോണ: റെക്കോർഡ് തുകയ്ക്ക് സ്വന്തമാക്കിയ ബ്രസീലിയൻ മിഡ് ഫീൽഡർ ഫിലിപ്പെ കുട്ടീന്യോ ബാഴ‍്‍സലോണക്കൊപ്പം ചേരുന്നത് വൈകും. തുടയെല്ലിന് പരിക്കേറ്റ താരത്തിന് ഈ മാസം അവസാനം വരെ വിശ്രമം വേണ്ടി വരും. ജനുവരി അവസാനത്തോടെ കുട്ടീന്യോ ബാഴ്‍സ നിരയിൽ കളിച്ച് തുടങ്ങുമെന്നാണ് സൂചന.

ബാഴ‍്‍സലോണ അധികൃതർ തന്നെയാണ് ഇക്കാര്യം അറിയിച്ചത്. ക്ലബ്ബ് ഫുട്ബോളിലെ ഏറ്റവും വലിയ മൂന്നാമത്തെ ട്രാൻസ്ഫർ തുകയായ 160 മില്യൺ യൂറോക്കാണ് ലിവർപൂളിൽ നിന്ന് കുട്ടീന്യോയെ ബാഴ്‍സ സ്വന്തമാക്കിയത്. 25കാരനായ താരം തിങ്കളാഴ്ച ക്ലബ്ബുമായി ഔദ്യോഗികമായി കരാർ ഒപ്പിട്ടു.