​ചാമ്പ്യൻസ് ലീഗ്: വിജയത്തോടെ ബാഴ‍്‍സയും യുവൻറസും മുന്നോട്ട്

ബാഴ്സലോണ: യുവേഫ ചാമ്പ്യൻസ് ലീഗിൽ ചൊവ്വാഴ്ച കരുത്തൻമാരുടെ പോരാട്ടമായിരുന്നു. ഗ്രൂപ്പ് ഡിയിലെ അവസാന മത്സരത്തിൽ ബാഴ‍്‍സലോണ പോര്‍ച്ചുഗീസ് ടീം സ്‌പോര്‍ട്ടിങ് ലിസ്ബണിനെ 2-0ന് തോല്‍പ്പിച്ചു. മറ്റൊരു മത്സരത്തിൽ ഇറ്റാലിയൻ കരുത്തരായ യുവൻറസ് ഗ്രീക്ക് ക്ലബ്ബായ ഒളിംപിയാക്കോസിനെയും 2-0ന് തന്നെ തോല്‍പ്പിച്ചു.

പാക്കോ അല്‍കാസറാണ് ബാഴ്‌സയ്ക്ക് വേണ്ടി ഒരു ഗോൾ നേടിയത്. ജെറമി മാത്യുവിന്റെ സെല്‍ഫ് ഗോൾ സ്‌പോര്‍ട്ടിങ് ലിസ്ബണിൻെറ പതനം പൂ‍ർത്തിയാക്കി. ഒളിംപിയാക്കോസിനെതിരേ യുവാന്‍ ക്വര്‍ഡാഡോയും ഫെഡറിക്കോ ബെര്‍ണാഡെഷിയും യുവന്റസിന് വേണ്ടി ഗോളുകൾ നേടി.

ഇരു ടീമുകളും ലീഗിലെ അവസാന പതിനാറിൽ സ്ഥാനം പിടിച്ചു. 14 പോയിന്റോടെ ബാഴ്‌സ ഗ്രൂപ്പ് ജേതാക്കളായപ്പോൾ 11 പോയിന്റുമായി യുവൻറസ് രണ്ടാമതെത്തി.