ലാലിഗയിൽ ബാഴ‍്‍സക്ക് വീണ്ടും വിജയം: റയൽ പതറുന്നു

മാഡ്രിഡ്: ലാലിഗയിൽ ബാഴ‍്‍സലോണയുടെ കുതിപ്പ് തുടരുന്നു. കഴിഞ്ഞ ദിവസം ലെഗാനസിനെ എതിരില്ലാത്ത മൂന്ന് ഗോളുകൾക്കാണ് അവർ തകർത്തത്. കഴിഞ്ഞ അഞ്ച് മത്സരത്തിലെ ഗോൾ വരൾച്ച അവസാനിപ്പിച്ച് ഉറുഗ്വൻ താരം സുവാരസ് മത്സരത്തിൽ രണ്ട് ഗോളുകൾ നേടി. പൗളിഞ്ഞോയാണ് മൂന്നാമത്തെ ഗോൾ നേടിയത്.

അതേ സമയം അത്ലറ്റിക്കോ മാഡ്രിഡിനോട് റയലിന് സമനില വഴങ്ങേണ്ടി വന്നു. മത്സരം ഗോൾ രഹിത സമനിലയിൽ അവസാനിക്കുകയായിരുന്നു. ഇതോടെ ലീഗിൽ ബാഴ‍്‍സയേക്കാൾ പത്ത് പോയിൻറ് പിന്നിലായിരിക്കുകയാണ് റയൽ മാഡ്രിഡ്.

12 മത്സരങ്ങളിൽ നിന്ന് 34 പോയൻറുമായി ബാഴ‍്‍സലോണയാണ് ലീഗിൽ ഒന്നാമത്. 11 മത്സരങ്ങളിൽ നിന്ന് 27 പോയൻറുമായി വലൻസിയ രണ്ടാം സ്ഥാനത്തുണ്ട്. മൂന്നാം സ്ഥനത്തുള്ള റയലിന് ഇതേ വരെ 12 മത്സരങ്ങളിൽ നിന്നായി 24 പോയിൻറാണുള്ളത്. അത്ലറ്റിക്കോ മാഡ്രിഡും 24 പോയിൻറുമായി നാലാമതുണ്ട്.