റോമയ്ക്ക് വിട്ടു കൊടുക്കാതെ മാൽക്കമിനെ ബാഴ‍്‍സലോണ സ്വന്തമാക്കി

ബാഴ‍്‍സലോണ: പുതിയ സീസണിൽ ബ്രസീലിയൻ താരം മാൽക്കമിനെ സ്വന്തമാക്കി ബാഴ‍്‍സലോണ. ഇറ്റാലിയൻ ക്ലബ്ബ് എഎസ് റോമ മാൽക്കമിനായി ശ്രമം നടത്തിയിരുന്നു. എന്നാൽ റോമയ്ക്ക് വിട്ടു കൊടുക്കാതെയാണ് ഫ്രഞ്ച് ക്ലബ്ബ് ബോർഡെക്സിൽ നിന്ന് ബ്രസീലിയൻ വിങറെ ബാഴ‍്‍സ ടീമിൽ എത്തിച്ചത്.

48 മില്യൺ ഡോളറിന് അഞ്ചു വർഷത്തേക്കാണ് മാൽക്കവുമായുള്ള കരാർ. റോമയിലേക്ക് എത്തുമെന്ന അഭ്യൂഹങ്ങൾക്കിടെയാണ് അവസാന നിമിഷം 21കാരനായ താരത്തെ ബോർഡെക്സ് ബാഴ‍്‍സയ്ക്ക് വിട്ടുനൽകിയത്.

കഴിഞ്ഞ സീസണിൽ ഫ്രഞ്ച് ക്ലബ്ബിനായി മാൽക്കം 35 മത്സരങ്ങളിൽ 12 ഗോൾ നേടിയിട്ടുണ്ട്.