ബാഴ്സിലോണ: കിങ്സ് കപ്പ് സെമിഫൈനൽ ആദ്യപാദ മത്സരത്തിൽ ബാഴ്സിലോണയും റയൽ മാഡ്രിഡും സമനിലയിൽ പിരിഞ്ഞു. ഓരോ ഗോളുകൾ നേടിയാണ് എൽ ക്ലാസിക്കോ സമനിലയിൽ അവസാനിച്ചത്. മത്സരത്തിൽ റയൽ മാഡ്രിഡാണ് ആദ്യം ഗോൾ നേടിയത്. ബെൻസിമ നൽകിയ പാസ്സിൽ നിന്ന് ലൂക്കാസ് വാസ്ക്വസാണ് ഗോളടിച്ചത്. ആദ്യ പകുതിയിൽ പരമാവധി ശ്രമിച്ചെങ്കിലും ബാഴ്സയ്ക്ക് സമനില ഗോൾ നേടാനായില്ല. രണ്ടാം പകുതിയിൽ 57ാം മിനിറ്റിൽ മാൽകോമിലൂടെയാണ് ബാഴ്സ സമനില പിടിച്ചത്.
ബാഴ്സയുടെ ഹോം ഗ്രൗണ്ടായി നൗകാമ്പിലാണ് മത്സരം നടന്നത്. രണ്ടാം പാദ സെമിഫൈനൽ പോരാട്ടം റയലിൻെറ ഹോം ഗ്രൗണ്ടിൽ നടക്കും. ലാലിഗയിൽ റയലിനേക്കാൾ ഏറെ മുന്നിലാണ് ബാഴ്സിലോണ.
ബാഴ്സയുടെ ഹോം ഗ്രൗണ്ടായി നൗകാമ്പിലാണ് മത്സരം നടന്നത്. രണ്ടാം പാദ സെമിഫൈനൽ പോരാട്ടം റയലിൻെറ ഹോം ഗ്രൗണ്ടിൽ നടക്കും. ലാലിഗയിൽ റയലിനേക്കാൾ ഏറെ മുന്നിലാണ് ബാഴ്സിലോണ.