സൗഹൃദ മത്സരത്തിൽ എതി‍ർടീമിനെ 20-2ന് തോൽപ്പിച്ച് ബയേൺ

മ്യൂണിക്ക്: സൗഹൃദ ഫുട്ബോൾ മത്സരത്തിൽ പ്രാദേശിക ടീമിനെതിരെ 20 ഗോളടിച്ച് ബുണ്ടസ് ലിഗ ചാമ്പ്യൻമാരായ ബയേൺ മ്യൂണിക്ക്. പ്രീസീസണ്‍ മത്സരത്തിൽ റോട്ടക് ഈഗണിനെ രണ്ടിനെതിരെ 20 ഗോളുകള്‍ക്കാണ് ബയേൺ തകർത്ത് വിട്ടത്.

കിങ്സ്ലി കോമാന്‍, റോബര്‍ട്ടോ ലെവന്‍ഡോവ്സ്‌കി, സാന്‍ഡ്രോ വാഗ്‌നര്‍, മാക്സ്മിലിയന്‍ ഫ്രാന്‍സ്‌കെ എന്നിവര്‍ ഹാട്രിക് നേടി. തോമസ് മുള്ളര്‍, ഹാമിഷ് റോഡ്രിഗസ് എന്നിവര്‍ രണ്ട് വീതം ഗോളടിച്ചു. തിയാഗോ, ഫ്രാങ്ക് റിബെറി, ജോഷ്വ കിമ്മിച്ച്, സെബാസ്റ്റ്യന്‍ റൂഡി എന്നിവരാണ് മറ്റ് ഗോൾ സ്കോറർമാർ.

മത്സരത്തിൻെറ ആദ്യ മിനിറ്റിൽ തന്നെ ബയേണിൻെറ ആദ്യഗോൾ പിറന്നു. 88ാം മിനിറ്റിലാണ് അവർ 20ാം ഗോൾ നേടിയത്. റോട്ടക് ഈഗൺ രണ്ട് ഗോൾ തിരികെ അടിച്ചു.