ചരിത്രത്തിലേക്ക് പന്തുതട്ടാന്‍ ബെംഗലൂരു എഫ്.സി ദോഹയില്‍

ദോഹ: എഎഫ്‍സി കപ്പിന്‍റെ കലാശപ്പോരാട്ടത്തിന് യോഗ്യതനേടിയ ആദ്യ ഇന്ത്യന്‍ ഫുട്ബോള്‍ ക്ലബ് എന്ന ഖ്യാതിയുമായി സുനില്‍ ഛേത്രിയുടെ ബെംഗലൂരു എഫ്‍സി ദോഹയില്‍ വിമാനമിറങ്ങി.

ശനിയാ‍ഴ്ച്ച ഇറാഖി ക്ലബ്, എയര്‍ ഫോഴ്‍സിനോട് ഫൈനല്‍ മത്സരത്തിന് ബെംഗലൂരു ഇറങ്ങും.

ചരിത്രത്തില്‍ ആദ്യമായാണ് ഒരു ഇന്ത്യന്‍ ക്ലബ് ഏഷ്യന്‍ നിലവാരത്തിലുള്ള ടൂര്‍ണമെന്‍റിന്‍റെ ഫൈനലില്‍ കടക്കുന്നത്. ഏഷ്യയിലെ രണ്ടാമത്തെ വലിയ ഫുട്ബോള്‍ ചാമ്പ്യന്‍ഷിപ്പാണ് എഎഫ്‍സി കപ്പ്.

ദോഹയില്‍ വിമാനമിറങ്ങിയ ഇന്ത്യന്‍ ക്ലബ്ബിനെ സ്വാഗതം ചെയ്യാന്‍ പ്രവാസികളായ ആരാധാകരും ഇന്ത്യക്കാരും എത്തിയിരുന്നു. എണ്ണത്തില്‍ കുറവാണെങ്കിലും വിദേശത്ത് ഫൈനല്‍ കളിക്കാനെത്തിയ ടീമിനെ സ്നേഹിക്കാന്‍ ഇന്ത്യക്കാര്‍ എത്തിയതില്‍ കോച്ച് അല്‍ബെര്‍ട്ട് റോക്കയും നന്ദി പറയുന്നു.

സാഫ് കപ്പില്‍ ഇന്ത്യന്‍ ടീമിനെ സ്വര്‍ണ്ണമണിയിച്ച സുനില്‍ ഛേത്രിയിലാണ് ബെംഗലൂരുവിന്‍റെ പ്രതീക്ഷ.

Bengaluru FC aims History in AFC Cup Final

Bengaluru FC, the first Indian football club to reach the final of AFC Cup, received a warm welcome from a handful fans in Doha ahead of their summit showdown on Saturday. JSW Bengaluru FC will be playing Iraq's Air Force Club in the Final.