ജയരാജനെ അനുകൂലിച്ച് ബോബി അലോഷ്യസ്

മുഹമ്മദലി അനുസ്മരണവുമായി ബന്ധപ്പെട്ട് ഇ പി ജയരാജനെ പരിഹസിക്കുന്നവർക്കെതിരെ മുൻ അത്‍‍ലറ്റ് ബോബി അലോഷ്യസ്. ഇപി ജയരാജനെ പോലെ ഒരാൾക്ക് മുഹമ്മദലിയെ അറിയില്ല എന്ന് പറഞ്ഞാൽ വിശ്വസിക്കാൻ പ്രയാസമാണെന്ന് ബോബി അലോഷ്യസ് ഫേസ്ബുക്കിലൂടെ പ്രതികരിച്ചു. ഒരിക്കൽ ട്രെയിനിൽ യാത്ര ചെയ്യവേ ആണ് ജയരാജനെ പരിചയപ്പെടുന്നത്. അന്ന് അദ്ദേഹം തന്‍റെ പേര് വിളിച്ചാണ് ജയരാജൻ സംസാരിച്ചതെന്ന് ബോബി പോസ്റ്റിൽ പറയുന്നു.

തന്നെ പോലെ ഒരു അത്‍‍ലറ്റിനെ കണ്ടാൽ തിരിച്ചറിയാൻ സാധിക്കുന്ന ജയരാജന് മുഹമ്മദലിയെ അറിയില്ല എന്ന് കേൾക്കുമ്പോൾ വിശ്വസിക്കാൻ പ്രയാസമുണ്ട്. ടെലിഫോണിൽ ചോദ്യം കെട്ടതിലെ ആശയകുഴപ്പം ആകാൻ ആണ് സാധ്യത. അതുകൊണ്ട് തന്നെ ഒരു മരമണ്ടൻ എന്ന തരത്തിലുള്ള പ്രചരണം അംഗീകരിക്കാൻ ബുദ്ധിമുട്ടുണ്ട്. തീരുമാനം എടുക്കാൻ കഴിവുള്ള ഒരു നേതാവാണ്‌ ജയരാജൻ. അങ്ങനെ ഒരാൾ ആണ് സ്പോർട്സ് മന്ത്രി ആകേണ്ടത്. ജയരാജനെപ്പറ്റി ഇപ്പോഴും നല്ല പ്രതീക്ഷ ഉണ്ട്. ഗണേഷ് കുമാറിന് പൂർത്തിയാക്കാൻ പറ്റാതെ പോയത് ജയരാജാൻ പൂർത്തിയാക്കട്ടെ എന്ന് ആശംസിച്ചാണ് ബോബി പോസ്റ്റ് അവസാനിപ്പിക്കുന്നത്.