വരുന്ന ഫുട്ബോൾ ലോകകപ്പ് ബ്രസീൽ നേടുമെന്ന് പെലെ

റിയോഡി ജനീറോ: 2018ൽ റഷ്യയിൽ നടക്കുന്ന ഫുട്ബോൾ ലോകകപ്പിൽ കപ്പ് നേടാൻ ഏറ്റവും സാധ്യതയുള്ള ടീം ബ്രസീലാണെന്ന് ഇതിഹാസ താരം പെലെ. അഞ്ച് തവണ ലോകകിരീടം സ്വന്തമാക്കിയ ബ്രസീൽ റഷ്യയിൽ നിന്ന് ആറാം കിരീടം സ്വന്തമാക്കുമെന്ന് താരം പ്രത്യാശ പ്രകടിപ്പിച്ചു.

കഴിഞ്ഞ വർഷം സ്വന്തം രാജ്യത്ത് നടന്ന ലോകകപ്പിൽ ജർമ്മനിയോട് തോറ്റ് നാണം കെട്ടാണ് ബ്രസീൽ പുറത്തായത്. 7-1നായിരുന്നു അന്ന് മാരക്കാനയിൽ മഞ്ഞപ്പട നാണം കെട്ടത്. എന്നാൽ ആ ഓർമ്മകളെ മായ്ക്കാൻ നിലവിലുള്ള ടീമിന് കരുത്തുണ്ടെന്ന് പെലെ പറഞ്ഞു.