കോപ്പ അമേരിക്ക: മെക്സിക്കോയെ തകര്‍ത്ത് ചിലെ സെമിയില്‍

കാലിഫോ‍ർണിയ: എതിരില്ലാത്ത ഏഴു ഗോളുകള്‍ക്ക് തകര്‍ത്ത് ചിലെ കോപ്പ അമേരിക്ക സെമിയില്‍ കടന്നു. ആദ്യപകുതിയില്‍ ഒരുഗോള്‍ മാത്രം നേടിയ ചിലെ, രണ്ടാം പകുതിയിലാണ് മെക്സിക്കോയെ തകർത്ത് ആറു ഗോളുകൾ നേടിയത്.

എഡ്വാര്‍ഡ് വര്‍ഗാസ് നാല് ഗോളുകള്‍ നേടി. എഡ്‌സണ്‍ പുച്ച് രണ്ട് ഗോളുകളും അലക്‌സ് സാഞ്ചസ് ഒരു ഗോളും നേടി. 44,52,57,74 മിനിറ്റുകളിലായിരുന്നു വര്‍ഗാസിന്റെ ഗോളുകള്‍. മികച്ച പ്രകടനത്തോടെ കോപ്പയിലെ ഗോള്‍ വേട്ടയിലും വര്‍ഗാസ് മുന്നിലെത്തി.

അതേസമയം, രണ്ടാം മഞ്ഞക്കാര്‍ഡ് ലഭിച്ചതിനെ തുടര്‍ന്ന് അര്‍തുറോ വിദാലിന് സെമിയില്‍ കളിക്കാനാകാത്തത് ചിലെയ്ക്ക് തിരിച്ചടിയാകാൻ സാധ്യതയുണ്ട്.