കേരള ബ്ലാസ്റ്റേഴ്‌സ് ഓഹരി സച്ചിൻ വിറ്റത് ചിരഞ്‌ജീവിക്ക്

കൊച്ചി: കേരള ബ്ലാസ്റ്റേഴ്‌സിലെ സച്ചിൻ തെണ്ടുൽക്കറുടെ ഓഹരികൾ ലുലു ഗ്രൂപ്പ് വാങ്ങിയെന്ന അഭ്യൂഹങ്ങൾക്ക് വിരാമം. സച്ചിന്റെ പക്കലുണ്ടായിരുന്ന 20 ശതമാനം ഓഹരി തെലുങ്ക് സൂപ്പർതാരം ചിരഞ്‌ജീവി,നിർമാതാവ് അല്ലു അരവിന്ദ്, നാഗാർജുന എന്നിവർ ചേർന്ന് വാങ്ങി. ഇവരുടെ ഉടമസ്ഥതയിലുള്ള ഐക്വസ്റ്റ് ഗ്രൂപ്പാണ് ഓഹരി വാങ്ങിയത്.നേരത്തെ സച്ചിന്റെ ഓഹരി പ്രമുഖ വ്യവസായി എം.എ.യൂസഫലിയുടെ ഉടമസ്ഥതയിലുള്ള ലുലു ഗ്രൂപ്പ് വാങ്ങുമെന്നായിരുന്നു റിപ്പോർട്ട്. 2014ൽ കേരള ബ്ലാസ്റ്റേഴ‍‍്‍സിൻെറ തുടക്കം മുതൽ സച്ചിൻ ക്ലബ്ബിനൊപ്പമുണ്ട്. സച്ചിനോടുള്ള ആരാധന കാരണം ക്ലബ്ബിൻെറ ആരാധകരായവരും ഏറെയാണ്.

ഹൈദരാബാദ് വ്യവസായി പ്രസാദ് വി. പോട്ട്‍ലുരിയും സച്ചിനും ചേര്‍ന്നാണ് ടീം വാങ്ങിയത്. തുടക്കത്തിൽ സച്ചിന് 40 ശതമാനം ഓഹരികൾ ഉണ്ടായിരുന്നു. എന്നാൽ പിന്നീട് 20 ശതമാനം ആയി കുറഞ്ഞിരുന്നു. അതിനിടെ, പ്രമുഖ സ്പോർട്സ് പോർട്ടലായ ഗോൾ.കോം ബ്ലാസ്റ്റേഴ്‌സ് ഓഹരി വിറ്റ ശേഷമുള്ള സച്ചിൻെറ പ്രതികണം പുറത്ത് വിട്ടിരുന്നു.ഇപ്പോഴും ഹൃദയം ബ്ലാസ്റ്റേഴ‍്‍സിനൊപ്പമാണ്. എക്കാലത്തും ഓർമ്മിക്കാനുള്ള മനോഹരമായ നിമിഷങ്ങളാണ് ബ്ലാസ്റ്റേഴ‍്‍സ് കാലം സമ്മാനിച്ചത്. കളിക്കാർക്കും ആരാധകർക്കും തൻെറ സാന്നിധ്യം പ്രചോദനമായിരുന്നതിൽ സന്തോഷമുണ്ടെന്നും സച്ചിൻ പറഞ്ഞു.