കോപ്പ അമേരിക്ക: കൊളംബിയയെ കോസ്റ്ററിക്ക അട്ടിമറിച്ചു

കോപ്പ അമേരിക്ക ടൂര്‍ണമെന്റിലെ ഗ്രൂപ്പ് എ മല്‍സരത്തില്‍ ക്വാര്‍ട്ടര്‍ ഉറപ്പിച്ച കൊളംബിയയെ കോസ്റ്ററിക്ക അട്ടിമറിച്ചു. രണ്ടിനെതിരെ മൂന്നു ഗോളുകള്‍ക്കായിരുന്നു കോസ്റ്ററിക്കയുടെ വിജയം. യൊഹാന്‍ വെനേഗാസ് (2), ഫാബ്ര (34, സെല്‍ഫ് ഗോള്‍), ബോര്‍ഗസ് (58) എന്നിവരാണ് കോസ്റ്ററിക്കയുടെ സ്കോറര്‍മാര്‍. ഫാബ്ര (6), മൊറേനോ (73) എന്നിവരുടെ വകയായിരുന്നു കൊളംബിയയുടെ ഗോളുകള്‍.

ആദ്യ രണ്ടു മല്‍സരങ്ങളും ജയിച്ച കൊളംബിയ ക്വാര്‍ട്ടറിലേക്ക് മുന്നേറിയപ്പോള്‍ മൂന്നു മല്‍സരങ്ങളില്‍ നിന്ന് ഒന്നുവീതം ജയവും സമനിലയും തോല്‍വിയുമായി നാലു പോയിന്റോടെ കോസ്റ്ററിക്ക പുറത്തായി. യുഎസ് ആണ് ഗ്രൂപ്പില്‍ നിന്ന് ക്വാര്‍ട്ടറിലെത്തിയ രണ്ടാമത്തെ ടീം.