ക്രിസ്റ്റ്യാനോയുടെ ചുമലിലേറി റയൽ സെമിയിൽ

സൂപ്പര്‍ താരം ക്രിസ്റ്റയാനോ റൊണാള്‍ഡോയുടെ സൂപ്പര്‍ ഗോളുകളുടെ മികവില്‍ റയല്‍ മാഡ്രിഡ് ചാമ്പ്യൻസ് ലീഗ് ഫുട്ബോളിന്‍റെ സെമി ഫൈനലില്‍ എത്തി. വൂള്‍ഫ്സ്ബര്‍ഗിനെതിരെ ക്രിസ്റ്റ്യാനോയുടെ ഹാട്രിക് ഗോള്‍ നേട്ടമാണ് റയലിന് സെമി ഉറപ്പിച്ചത്. സ്വന്തം ഗ്രൗണ്ടായ സാന്തിയാഗോ ബെര്‍ണാബുവില്‍ ചൊവ്വാഴ്ച രാത്രി നടന്ന രണ്ടാം പാദ മത്സരത്തില്‍ എതിരില്ലാത്ത മൂന്ന് ഗോളുകള്‍ക്കാണ് റയല്‍ ജയിച്ചത്. മൂന്ന് ഗോളും ക്രിസ്റ്റ്യാനോയുടെ ബൂട്ടില്‍ നിന്നാണ് പിറന്നത്. ഇതോടെ ഈ സീസണില്‍ ക്രിസ്റ്റ്യാനോയ്ക്ക് 16 ഗോളുകളായി.

15, 17, 77 മിനിറ്റുകളിലായിരുന്നു ക്രിസ്റ്റ്യാനോയുടെ ഗോളുകള്‍. ഇതോടെ ഇരുഫ പാദങ്ങളിലുമായി 3-2 ഗോളിന്‍റെ ജയത്തോടെയാണ് റയല്‍ സെമിയില്‍ എത്തിയത്. ആദ്യ പാദ മത്സരത്തില്‍ എതിരില്ലാത്ത രണ്ട് ഗോളുകള്‍ക്ക് റയല്‍ വൂള്‍ഫ്സ്ബര്‍ഗിനെതിരെ തോല്‍വി അറിഞ്ഞിരുന്നു.