റൊണാൾഡോ ഹോട്ടൽ ജീവനക്കാർക്ക് ടിപ്പ് നൽകിയത് 16 ലക്ഷം

മാഡ്രിഡ്: റെക്കോർഡ് തുകയ്ക്ക് ഇറ്റാലിയൻ ക്ലബ്ബ് യുവൻറസിലേക്ക് കൂട് മാറിയിരിക്കുകയാണ് പോർച്ചുഗൽ സൂപ്പർതാരം ക്രിസ്റ്റ്യാനോ റൊണാൾഡോ. ലോകകപ്പിന് ശേഷം ഫുട്ബോൾ ലോകത്തെ ഏറ്റവും വലിയ വാർത്തയായിരുന്നു റയലിൽ നിന്നുള്ള ക്രിസ്റ്റ്യാനോയുടെ ട്രാൻസ്ഫർ.

കുടുംബത്തിനും അടുത്ത സുഹൃത്തുക്കൾക്കും ഒപ്പം ഒരു ഹോട്ടലിൽ ചെറിയ വിരുന്നിന് ശേഷമാണ് താരം ഇറ്റലിയിലേക്ക് പോയത്. ഗ്രീസിലെ ഒരു ഹോട്ടലിലായിരുന്നു വിരുന്ന്. ഹോട്ടൽ ജീവനക്കാരുടെ നല്ല പെരുമാറ്റം കണ്ട് റൊണാൾഡോ നൽകിയ ടിപ്പ് എത്രയെന്ന് കേട്ടാൽ ആരും മൂക്കത്ത് വിരൽ വെച്ച് പോവും.

ഏകദേശം 16 ലക്ഷം രൂപയാണ് (23000 ഡോളർ) അദ്ദേഹം ഹോട്ടൽ ജീവനക്കാർക്ക് ടിപ്പായി നൽകിയത്. ഗ്രീസിലെ കോസ്റ്റ നവരിനോ എന്ന ഹോട്ടലിലെ ജീവനക്കാർക്കാണ് ഈ ഭാഗ്യം ലഭിച്ചത്.