ചീവോക്കെതിരെ സീരി എയിൽ ക്രിസ്റ്റ്യാനോയുടെ അരങ്ങേറ്റം

റോം: സീരി എയിൽ യുവൻറസിനായി ചീവോ വെറോണക്കെതിരെ സൂപ്പർതാരം ക്രിസ്റ്റ്യാനോ റൊണാൾഡോ അരങ്ങേറ്റ മത്സരത്തിന് ഇറങ്ങും. സ്പാനിഷ് ക്ലബ്ബായ റയൽമാഡ്രിഡ് വിട്ട് യുവൻറസിൽ ചേക്കേറിയ ശേഷമുള്ള ക്രിസ്റ്റ്യാനോയുടെ ആദ്യ മത്സരത്തിനായി കാത്തിരിക്കുകയാണ് ഫുട്ബോൾ ലോകം.

ഇറ്റാലിയൻ ലീഗിൻെറ മത്സര ഷെഡ്യൂൾ കഴിഞ്ഞ ദിവസമാണ് പുറത്തിറക്കിയത്. ആഗസ്ത് 18/19നാണ് യുവൻറസിൻെറ മത്സരം. സീരി എയിലെ നിലവിലെ ചാമ്പ്യൻമാരാണ് യുവൻറസ്. ക്രിസ്റ്റ്യാനോ കൂടി എത്തുന്നതോടെ ടീമിന് കൂടുതൽ കരുത്തേറുകയാണ്.