സ്വന്തം മകൾക്ക് ജയിൽ ശിക്ഷ നൽകണമെന്ന് മറഡോണ

ബ്യൂണസ് എെറിസ്: സ്വന്തം മക്കൾക്കും ഭാര്യക്കുമെതിരെ ഗുരുതര ആരോപണങ്ങളുമായി ഫുട്ബോൾ ഇതിഹാസം ഡീഗോ മറഡോണ. മുന്‍ഭാര്യ ക്ലോഡിയ വില്ലഫെയ്ന്‍, ആ ബന്ധത്തിലെ മക്കളായ ഡല്‍മ, ജിയാന്നിന എന്നിവര്‍ ചേര്‍ന്ന് 34ലക്ഷം പൗണ്ട് ( 29 കോടിയോളം രൂപ) തന്നിൽ നിന്നും തട്ടിയെടുത്തതായാണ് അദ്ദേഹത്തിൻെറ ആരോപണം.

കേസുമായി ബന്ധപ്പെട്ട് ആവശ്യമെങ്കിൽ മകൾ ജിയോന്നിനയെ കസ്റ്റഡിയിലെടുത്ത് ജയിലിൽ അടയ്ക്കണമെന്നും മറഡോണ ആവശ്യപ്പെട്ടു. 2000 - 2015 വർഷങ്ങൾക്കിടെ ഇത്രയും തുക തട്ടിയെടുത്തുവെന്നാണ് പരാതി.

മൂവരും ചേർന്ന് ഈ പണം ഉറുഗ്വയിൽ നിന്ന് ബാങ്ക് അക്കൗണ്ടിൽ ഇട്ടുവെന്നും അദ്ദേഹം ആരോപിക്കുന്നു. അഭിഭാഷകൻ വഴി കേസുമായി ബന്ധപ്പെട്ട് ഇവ‍ക്ക് നോട്ടീസ് അയക്കുകയും ചെയ്തു. അതേ സമയം മറഡോണയുടെ മകൾ ജിയാന്നിന ആരോപണം നിഷേധിച്ചു.