ദ്യുതി ചന്ദ് നൂറു മീറ്ററില്‍ ഒളിംപിക്സ് യോഗ്യത നേടി

ഇന്ത്യന്‍ താരം ദ്യുതി ചന്ദിന് നൂറുമീറ്റര്‍ ഒാട്ടത്തില്‍ റിയോ ഒളിംപിക്സ് യോഗ്യത. കസാഖിസ്ഥാനില്‍ നടന്ന മീറ്റിലാണ് വനിതകളുടെ നൂറു മീറ്ററില്‍ ദ്യുതി ഒളിംപിക് യോഗ്യതാമാര്‍ക്ക് മറികടന്നത്. 11.32 സെക്കന്‍ഡായിരുന്നു റിയോ ഒളിംപിക്സിനുള്ള യോഗ്യതാമാര്‍ക്ക്.

ദ്യുതി ചന്ദ് 11.30സെക്കന്‍ഡില്‍ 100മീറ്റര്‍ ഫിനിഷ് ചെയ്തു. പി.ടി.ഉഷയ്ക്ക് ശേഷം ഒളിംപിക്സില്‍ നൂറു മീറ്ററില്‍ മല്‍സരിക്കുന്ന ആദ്യ ഇന്ത്യന്‍ വനിതാതാരമാണ് ദ്യുതി ചന്ദ്.