ലണ്ടൻ: ലോകം കണ്ട എക്കാലത്തെയും മികച്ച ഗോൾകീപ്പർമാരിൽ ഒരാളായ ഇംഗ്ലണ്ടിൻെറ ഗോർഡൻ ബാങ്ക്സ് അന്തരിച്ചു. അർബുദ രോഗത്തിന് ചികിത്സയിൽ കഴിയുകയായിരുന്നു അദ്ദേഹം. 81ാം വയസ്സിലാണ് മരണം സംഭവിച്ചത്. 1966ൽ ഇംഗ്ലണ്ട് ലോകകപ്പ് നേടുമ്പോൾ ബാങ്ക്സ് ആയിരുന്നു ഗോൾകീപ്പർ. മികച്ച സേവുകളിലൂടെ അദ്ദേഹം മിന്നുന്ന പ്രകടനമാണ് കാഴ്ച വെച്ചത്. 73 മത്സരങ്ങളിൽ അദ്ദേഹം ഇംഗ്ലണ്ടിനായി കളിച്ചിട്ടുണ്ട്.
1970ലെ ലോകകപ്പിൽ പെലെയുടെ ഷോട്ട് തടുത്തിട്ടതാണ് അദ്ദേഹത്തെ കൂടുതൽ പ്രശസ്തിയിലെത്തിച്ചത്. ഗോൾ ലൈനിൽ വെച്ചായിരുന്നു അദ്ദേഹം പന്ത് തടുത്തിട്ടത്. ഫിഫയുടെ ലോക ഇലവനിൽ ആറ് തവണ അംഗമായിട്ടുള്ള താരമാണ് ബാങ്ക്സ്.
1970ലെ ലോകകപ്പിൽ പെലെയുടെ ഷോട്ട് തടുത്തിട്ടതാണ് അദ്ദേഹത്തെ കൂടുതൽ പ്രശസ്തിയിലെത്തിച്ചത്. ഗോൾ ലൈനിൽ വെച്ചായിരുന്നു അദ്ദേഹം പന്ത് തടുത്തിട്ടത്. ഫിഫയുടെ ലോക ഇലവനിൽ ആറ് തവണ അംഗമായിട്ടുള്ള താരമാണ് ബാങ്ക്സ്.