പി.യു ചിത്ര ഹൈക്കോടതിയിലേക്ക്; മുഖ്യമന്ത്രിയുടെ പിന്തുണ

തിരുവനന്തപുരം: ലണ്ടനില്‍ നടക്കുന്ന ലോക അത്‍ലറ്റിക് ചാമ്പ്യന്‍ഷിപ്പിനുള്ള ഇന്ത്യന്‍ ടീമില്‍ നിന്ന് പി യു ചിത്രയെ ഒഴിവാക്കിയതില്‍ പ്രതിഷേധം പുകയുന്നു. ഇതിനെതിരെ സംസ്ഥാന സര്‍ക്കാര്‍ കേന്ദ്ര കായികമന്ത്രാലയത്തിന് കത്തയച്ചിരിക്കുകയാണ്. എം ബി രാജേഷ് എം പി , കായികമന്ത്രിയെ ഇന്ന് നേരില്‍ കണ്ട് പ്രതിഷേധം അറിയിക്കും. ഇന്ത്യന്‍ സംഘത്തിന്‍റെ പരിശീലകരെ തെരഞ്ഞെടുത്തതിലും കടുത്ത വിവേചനമാണ് അത് ലറ്റിക് ഫെഡറേഷന്‍ കാണിച്ചിരിക്കുന്നത്.

ലണ്ടനിലേക്ക് പറക്കാനുള്ള ചിത്രയുടെ മോഹം സെലക്ഷന് കമ്മിറ്റി തല്ലിക്കെടുത്തിയെന്നാണ് ആക്ഷേപം. 24 അംഗ ടീമിനെ പ്രഖ്യാപിച്ചപ്പോള്‍ ചിത്ര പുറത്തായിരുന്നു. ലോക ചാമ്പ്യന്‍ഷിപ്പില്‍ മെഡല്‍ നേടാന്‍ സാധ്യതിയില്ലാത്തതു കൊണ്ട് തെരഞ്ഞെടുത്തില്ലെന്നാണ് സെലക്ഷന്‍ കമ്മിറ്റിയുടെ ന്യായീകരണം. ലോകറാങ്കിംഗില്‍ ആദ്യ നൂറില്‍ പോലും വരാത്ത ജി ലക്ഷമണന്‍ രണ്ടിനത്തില്‍ ലണ്ടനില്‍ എങ്ങിനെ മല്‍സരിക്കുന്നു എന്നതിന് പക്ഷെ ഉത്തരമില്ല. ചരിത്രത്തിലെ ഏറ്റവും വലിയ ടീമിനെയാണ് ഇത്തവണ അയക്കുന്നതെന്നാണ് പറയുന്നത്. ഇവരില്‍ ആരെങ്കിലും മെഡല്‍ നേടുമോ എന്ന് ചോദിച്ചാല്‍ അത് ലറ്റിക്ക് ഫെഡറേഷന് ഉത്തരമില്ല.

അതേസമയം പി.യു ചിത്രയെ ലോക അത് ലറ്റിക് ചാമ്പ്യൻഷിപ്പിൽ നിന്ന് ഒഴിവാക്കിയത് അംഗീകരിക്കാനാകില്ലെന്ന് മുഖ്യമന്ത്രി പിണറായി വിജയൻ പ്രതികരിച്ചു. ചിത്രയെ ഉൾപ്പെടുത്താൻ സംസ്ഥാനം സമ്മർദം ചെലുത്തും. ബന്ധപ്പെട്ടവരെ ശക്തമായ പ്രതിഷേധം അറിയിക്കുമെന്നും പിണറായി വിജയൻ വ്യക്തമാക്കിയിട്ടുണ്ട്. അതേസമയം ചിത്രയെ അയോഗ്യയാക്കുന്നതിൽ കേരളത്തിലെ ഒരു ഇതിഹാസ ഒളിമ്പിക്സ് താരം പ്രവ‍‍ര്‍ത്തിച്ചിട്ടുണ്ടെന്നും പറയുന്നുണ്ട്.

Excluding PU Chitra from Indian squad for World Athletics Championship

“Excluding Chitra, pride of not only of Kerala but also of the country, from the team for World Athletics Championship.