ആദ്യ പകുതിയിൽ പൂനെ ഒരു ഗോളിന് മുന്നില്‍

കൊച്ചി: എഫ്സി പുനെസിറ്റിയുമായുള്ള മത്സരത്തില്‍ ബ്ലാസ്റ്റേഴ്സ് ഒരു ഗോളിന് പിന്നില്‍. ഐഎസ്‌എല്‍ നാലാംപതിപ്പില്‍ ബ്ലാസ്റ്റേഴ്സിന്‍റെ നീക്കങ്ങള്‍ പരിതാപകരമാണ്. പരിശീലകൻ റെനെ മ്യുലെന്‍സ്റ്റീനു പകരമായി മുൻ പരിശീലകന്‍ ഡേവിഡ് ജയിംസിനെ കൊണ്ടുവന്നെങ്കിലും കളിമിടുക്കില്ല. മാഴ്സെലീന്യോയാണ് ഗോള്‍ നേടിയത്.

കൊച്ചിയിലെ നിറഞ്ഞുകവിയുന്ന ആള്‍ക്കൂട്ടത്തിനുമുന്നില്‍ മികച്ച പ്രകടനം പുറത്തെടുക്കാൻ വീണ്ടും ടീം പരാജയപ്പെടുകയാണ്. ജയിംസിനെ മുഖ്യപരിശീലകനായി നിയമിച്ചെങ്കിലും ഇന്ന് നിയന്ത്രിക്കുന്നത് സഹപരിശീലകന്‍ താങ്ബോയ് സിങ്തോ ആണ്.

പോയിന്റ് പട്ടികയില്‍ ഏഴു പോയിന്റുമായി എട്ടാമതാണ് ബ്ളാസ്റ്റേഴ്സ്. 15 പോയിന്റുള്ള പുണെ രണ്ടാമതും. അഞ്ച് കളി പുനെ ജയിച്ചു. സീസണില്‍ ബ്ളാസ്റ്റേഴ്സ് നേടിയ രണ്ടു ഗോളിന്റെയും അവകാശി, സി കെ വിനീത് പരിക്കിലാണ്. മാഴ്സെലീന്യോ എമിലിയാനോ അല്‍ഫാരോ സഖ്യമാണ് പൂനെയുടെ ശക്തി.