വിംബിള്‍ഡണില്‍ ഫെഡറര്‍ റെക്കോഡ് നേടുമോ? ഇന്നറിയാം

ലണ്ടന്‍: എട്ടാം വിംബിള്‍ഡണ്‍ കിരീടത്തിനായി സ്വിസ് ഇതിഹാസതാരം റോജര്‍ ഫെഡറര്‍ ഇന്ന് ഇറങ്ങും. ഫൈനലില്‍ എതിരാളി ക്രൊയേഷ്യയുടെ മാരിന്‍ ചിലിച്ച് ആണ്.

റാങ്കിങ്ങിലെ പ്രമുഖ താരങ്ങളെല്ലാം ഫൈനലിന് മുന്‍പേ പുറത്തായതാണ് ഇത്തവണത്തെ വിംബിള്‍ഡണിന്‍റെ പ്രത്യേകത.

വിംബിള്‍ഡണ്‍ കിരീടങ്ങളുടെ എണ്ണത്തില്‍ അമേരിക്കന്‍ താരം പീറ്റ് സാംപ്രാസ്, ബ്രിട്ടീഷ് താരം വില്യം റെൻഷോ എന്നിവര്‍ക്കൊപ്പമാണ് ഇപ്പോള്‍ ഫെഡറര്‍. ഇന്ന് കിരീടം ചൂടിയാല്‍ എട്ടാം കിരീടത്തോടെ അജയ്യനാകും ഫെ‍‍ഡറര്‍.

കരിയറിലെ 19-ാം ഗ്രാന്‍ഡ് സ്ലാം ആണ് ഫെഡറര്‍ ലക്ഷ്യമിടുന്നത്. ഈ വര്‍ഷത്തെ ഓസ്ട്രേലിയന്‍ ഓപ്പണ്‍ ഫെഡറര്‍ നേടിയിരുന്നു. ഒരു സെറ്റ് പോലും നഷ്ടപ്പെടുത്താതെയാണ് ഫെഡറര്‍ ഫൈനല്‍ ഉറപ്പിച്ചത്.

കൂറ്റന്‍ സെര്‍വുകളില്‍ കഴിവ് തെളിയിച്ച ചിലിച്ച് 2014ല്‍ യുഎസ് ഓപ്പണ്‍ നേടിയ താരമാണ്.

Federer out to claim record against fresh face Cilic

Roger Federer, in a quest to win the eighth Wimbledon grand slam, will face coration Marin Cilic in the showdown at Wimbledon 2017 championships.