അണ്ടര്‍ 17 : ഘാനയും തോറ്റു, മാലി സെമിയില്‍

ഗുവാഹത്തി: ഇത്തവണത്തെ അണ്ടര്‍ 17 ലോകകപ്പ് ഫുട്‌ബോളിന്റെ സെമിയിലെത്തുന്ന ആദ്യ ടീമായി മാലി. ഘാനയെ ഒന്നിനെതിരെ രണ്ട് ഗോളുകള്‍ക്ക് തോല്‍പ്പിച്ചാണ് മാലി അവസാന നാലില്‍ ഇടം നേടിയത്. സ്‌പെയിന്‍-ഇറാന്‍ മത്സരത്തിലെ ജേതാക്കളെ മാലി സെമിയില്‍ നേരിടും.

കളിയുടെ തുടക്കം മുതലേ മഴയായിരുന്നു. പതിനഞ്ചാം മിനിട്ടില്‍ ഹദ്ജി ദ്രാമെയിലൂടെ മാലി മുന്നിലെത്തി. അറുപത്തിമൂന്നാം മിനിട്ടില്‍ മൗസെ ട്രോറെ ലീഡ് രണ്ടാക്കി ഉയര്‍ത്തി. എഴുപതാം മിനിട്ടില്‍ പെനാല്‍റ്റിയിലൂടെ മുഹമ്മദാണ് ഘാനയുടെ ആശ്വാസഗോള്‍ കണ്ടെത്തിയത്.

FIFA under-17 world cup: Mali won

Ghana had been beaten 1-0 by Mali in the final of the Under-17 Africa Cup of Nations