ഫുട്‌ബോള്‍ താരം പാട്രിക് എകെങ് കളിക്കിടയിൽ മരിച്ചു

കാമറൂണ്‍ രാജ്യാന്തര ഫുട്‌ബോള്‍ താരം പാട്രിക് എകെങ് കളിക്കളത്തില്‍ കുഴഞ്ഞുവീണ് മരിച്ചു. റൊമാനിയന്‍ ക്ലബ്ബായ ബുക്കാറെസ്റ്റിന് വേണ്ടി കളിക്കുകയായിരുന്നുപാട്രിക്. കളിയുടെ എഴുപതാം മിനിറ്റിലാണ് 26 കാരനായ പാട്രിക് കളിക്കളത്തില്‍ കുഴഞ്ഞുവീണത്. ഹൃദയാഘാതം മൂലമാണ് മരണം സംഭവിച്ചതെന്നാണ് റിപ്പോർട്ട്.

സ്റ്റാര്‍ട്ടിങ് ഇലവനില്‍ പാട്രികിന് അവസരം കിട്ടിയിരുന്നില്ല. കളിയുടെ അറുപത്തിമൂന്നാം മിനുട്ടിലാണ് പകരക്കാരനായി പാട്രിക് കളത്തിലിറങ്ങിയത്. ഏഴ് മിനുട്ടുകള്‍ക്ക് ശേഷം കുഴഞ്ഞുവീഴുകയായിരുന്നു. ഉടന്‍ തന്നെ ആശുപത്രിയിലെത്തിച്ചെങ്കിലും ചികിത്സയ്ക്കിടെ മരിച്ചു. കുഴഞ്ഞ് വീണ് രണ്ട് മണിക്കൂറിന് ശേഷമാണ് മരണം സംഭവിച്ചത്.