Watch Video: മത്സരത്തിനിടെ കാർ ഇടിച്ച് തകർന്നു; റേസിങ് താരം അത്ഭുതകരമായി രക്ഷപ്പെട്ടു

ന്യൂഡൽഹി: കാർ റേസിങിനിടെ നടന്ന അപകടത്തിൽ നിന്ന് അത്ഭുതകരമായി രക്ഷപ്പെട്ട് ഫോർമുല ത്രീ ഡ്രൈവർ അലക്സ് പെറോണി. ഫോർമുല ത്രീ ഇറ്റാലിയൻ ഗ്രാൻ പ്രീ യോഗ്യതയുടെ ഭാഗമായി നടന്ന റേസിങിനിടെയാണ് അപകടം. അതിവേഗത കാരണം ഇടിച്ച ശേഷം പറന്നുയർന്നാണ് കാർ താഴെ വീണത്.

ഇറ്റലിയിലെ മോൺസ സെർക്യൂട്ടിൽ നടന്ന മത്സരത്തിനിടെയാണ് അപകടം ഉണ്ടായത്. ഇടിയുടെ ആഘാതത്തിൽ പറന്ന കാർ മൂന്ന് തവണ മലക്കം മറിഞ്ഞാണ് താഴേക്ക് വീണത്. അപകടം നടന്ന കാറിൽ നിന്ന് പോറൽ പോലും ഏൽക്കാതെയാണ് 19കാരനായ ഓസ്ട്രേലിയൻ ഡ്രൈവർ പെറോണി പുറത്തിറങ്ങിയത്. അവിശ്വസനീയതയോടെയാണ് കാണികൾ ഈ ദൃശ്യങ്ങൾ കണ്ട് നിന്നത്.

Read More: ടെന്നീസിനൊപ്പം നദാൽ സിസ‍്‍കയെ പ്രണയിക്കാൻ തുടങ്ങിയിട്ട് 14 വ‍ർഷം; വിവാഹം ഒക്ടോബറിൽ

പുറത്തെത്തി വളരെ പെട്ടെന്ന് തന്നെ പെറോണിയെ വൈദ്യപരിശോധനയ്ക്ക് വിധേയനാക്കി. പിന്നീട് അദ്ദേഹത്തെ ആശുപത്രിയിലേക്ക് മാറ്റി. താരത്തിന് തലയ്ക്കും നട്ടെല്ലിനും ചെറിയ പരിക്കുണ്ട്.

മോൺസയിൽ നടക്കുന്ന അടുത്ത യോഗ്യതാ മത്സരത്തിൽ നിന്ന് പെറോണി മാറിനിൽക്കും. മുൻകരുതലിൻെറ ഭാഗമായാണ് ഇങ്ങനെ മാറ്റി നിർത്തുന്നതെന്ന് അധികൃതർ വ്യക്തമാക്കി. കാറിനുള്ളിലെ റോൾ കേജാണ് പെറോണിയെ കാര്യമായ അപകടം ഇല്ലാതെ രക്ഷിച്ചത്.

വീഡിയോ കാണാം:


ഫോർമുല 2 ഡ്രൈവർ ആന്തോയിൻ ഹുബെർട്ട് അപകടത്തിൽ പെട്ട് ഒരാഴ്ച കഴിയുമ്പോഴേക്കാണ് വീണ്ടും റേസിങ് ട്രാക്കിനെ ഞെട്ടിച്ച് അപകടം സംഭവിക്കുന്നത്.

Read More: മോട്ടോർ സ്പോർട്സിൽ ലോകകിരീടം നേടുന്ന ആദ്യ ഇന്ത്യൻ താരമായി ഐശ്വര്യ; ഇത് പുതിയ ചരിത്രം