ഹൊഷന്‍ഗബാദ്: മധ്യപ്രദേശിലുണ്ടായ വഹനാപകടത്തില്‍ നാല് ഹോക്കി താരങ്ങള്‍ കൊല്ലപ്പെട്ടു. മധ്യപ്രദേശിലെ ഹൊഷന്‍ഗബാദിനടുത്ത് റയ്‍സാല്‍പൂരിലെ ദേശീയപാത 69-ലാണ് അപകടമുണ്ടായത്.
ഹോക്കി താരങ്ങള്‍ സഞ്ചരിച്ച കാര്‍ നിയന്ത്രണം വിട്ട് മരത്തില്‍ ഇടിക്കുകയായിരുന്നുവെന്ന് വാര്‍ത്താ ഏജന്‍സിയായ എഎന്‍ഐ റിപ്പോര്‍ട്ട് ചെയ്‍തു.
ഷാനവാസ് ഖാന്‍ (20), ആദര്‍ശ് ഹര്‍ദുവ (22), ആശിഷ് ലാല്‍ (21), അനികേത് വരുണ്‍ (19) എന്നിവരാണ് മരിച്ചത്. ഷോണ്‍ ഗിഡിയോണ്‍ ആല്‍ഫ്രഡ്, അക്ഷയ് അശ്വതി, സഹില്‍ ചൗരെ എന്നിവര്‍ക്കാണ് പരിക്കേറ്റത്. മധ്യപ്രദേശ് സംസ്ഥാന ഹോക്കി അക്കാദമിയില്‍ പരിശീലനം നേടുന്ന താരങ്ങളാണ് അപകടത്തില്‍പെട്ടത്. ദേശീയതലത്തില്‍ അക്കാദമി ടീമിനുവേണ്ടി കളിച്ചിട്ടുണ്ട്.
കളിക്കാര്‍ ടൂര്‍ണമെന്‍റില്‍ പങ്കെടുക്കുന്നതിനായി ഹൊഷന്‍ഗബാദില്‍ കഴിയുകയായിരുന്നുവെന്ന് മധ്യപ്രദേശ് സ്പോര്‍ട്‍സ് ഡയറക്ടര്‍ എസ്എല്‍ തോസന്‍ പറഞ്ഞു. ആദര്‍ശിന്‍റെ പിറന്നാള്‍ ആഘോഷിക്കുന്നതിനായി ഇതര്‍സിയിലേക്ക് പോകുന്നതിനിടെയാണ് അപകടമുണ്ടായത്. രാത്രിയില്‍ തിരിച്ചുവരരുതെന്ന് കോച്ച് നിര്‍ദേശിച്ചിരുന്നു അതിനാല്‍ ഇവര്‍ രാവിലെയാണ് ഇവര്‍ ഹൊഷന്‍ഗബാദിലേക്ക് പുറപ്പെട്ടത്.
അപകടത്തെ തുടര്‍ന്ന് ടൂര്‍ണമെന്‍റിന്‍റെ സെമിഫൈനല്‍ മാറ്റിവെച്ചു.
ഹോക്കി താരങ്ങള്‍ സഞ്ചരിച്ച കാര്‍ നിയന്ത്രണം വിട്ട് മരത്തില്‍ ഇടിക്കുകയായിരുന്നുവെന്ന് വാര്‍ത്താ ഏജന്‍സിയായ എഎന്‍ഐ റിപ്പോര്‍ട്ട് ചെയ്‍തു.
ഷാനവാസ് ഖാന്‍ (20), ആദര്‍ശ് ഹര്‍ദുവ (22), ആശിഷ് ലാല്‍ (21), അനികേത് വരുണ്‍ (19) എന്നിവരാണ് മരിച്ചത്. ഷോണ്‍ ഗിഡിയോണ്‍ ആല്‍ഫ്രഡ്, അക്ഷയ് അശ്വതി, സഹില്‍ ചൗരെ എന്നിവര്‍ക്കാണ് പരിക്കേറ്റത്. മധ്യപ്രദേശ് സംസ്ഥാന ഹോക്കി അക്കാദമിയില്‍ പരിശീലനം നേടുന്ന താരങ്ങളാണ് അപകടത്തില്‍പെട്ടത്. ദേശീയതലത്തില്‍ അക്കാദമി ടീമിനുവേണ്ടി കളിച്ചിട്ടുണ്ട്.
കളിക്കാര്‍ ടൂര്‍ണമെന്‍റില്‍ പങ്കെടുക്കുന്നതിനായി ഹൊഷന്‍ഗബാദില്‍ കഴിയുകയായിരുന്നുവെന്ന് മധ്യപ്രദേശ് സ്പോര്‍ട്‍സ് ഡയറക്ടര്‍ എസ്എല്‍ തോസന്‍ പറഞ്ഞു. ആദര്‍ശിന്‍റെ പിറന്നാള്‍ ആഘോഷിക്കുന്നതിനായി ഇതര്‍സിയിലേക്ക് പോകുന്നതിനിടെയാണ് അപകടമുണ്ടായത്. രാത്രിയില്‍ തിരിച്ചുവരരുതെന്ന് കോച്ച് നിര്‍ദേശിച്ചിരുന്നു അതിനാല്‍ ഇവര്‍ രാവിലെയാണ് ഇവര്‍ ഹൊഷന്‍ഗബാദിലേക്ക് പുറപ്പെട്ടത്.
അപകടത്തെ തുടര്‍ന്ന് ടൂര്‍ണമെന്‍റിന്‍റെ സെമിഫൈനല്‍ മാറ്റിവെച്ചു.