ബയണുമായുള്ള കരാർ 2019 വരെ നീട്ടി ഫ്രാങ്ക് റിബെറി

ബെർലിൻ: ഫ്രഞ്ച് താരം ഫ്രാങ്ക് റിബെറി ജർമ്മൻ ക്ലബ്ബ് ബയൺ മ്യൂണിക്കുമായുള്ള കരാർ 2019 വരെ നീട്ടി. ഈ വർഷത്തോടെ ക്ലബ്ബുമായുള്ള താരത്തിൻെറ കരാർ അവസാനിക്കാൻ ഇരിക്കുകയായിരുന്നു. എന്നാൽ ഒരു വർഷം കൂടി റിബെറി ടീമിനൊപ്പം ഉണ്ടാവുമെന്ന് ക്ലബ്ബ് അധികൃതർ അറിയിച്ചു.

2007ലാണ് റിബെറി ബയണിനൊപ്പം ചേരുന്നത്. ബുണ്ടസിലിഗയിൽ 247 മത്സരങ്ങളിൽ നിന്നായി 80 ഗോളുകൾ താരം നേടിയിട്ടുണ്ട്. ക്ലബ്ബിനൊപ്പം ഒരു വർഷം കൂടി തുടരുന്നതിൽ സന്തോഷമുണ്ടെന്ന് റിബറി പറഞ്ഞു.