ഫ്രഞ്ച് ഓപ്പണ്‍: പേസ്- ഹിംഗിസ് സഖ്യത്തിന് വിജയം

ഇന്ത്യ താരങ്ങള്‍ തമ്മിലുള്ള പോരാട്ടത്താല്‍ ശ്രദ്ധേയമായ ഫ്രഞ്ച് ഓപ്പണ്‍ മിക്സഡ് ഡബിള്‍സ് ഫൈനലില്‍ വിജയം ലിയാണ്ടര്‍ പേസ്-മാര്‍ട്ടീന ഹിംഗിസ് സഖ്യത്തിന്. ഫൈനലില്‍ ഇന്ത്യയുടെ സാനിയ മിര്‍സയും ക്രൊയേഷ്യന്‍ താരം ഇവാന്‍ ഡോഡിജും ഉള്‍പ്പെട്ട സഖ്യത്തെയാണ് പേസ് സഖ്യം പരാജയപ്പെടുത്തിയത്.

കടുത്ത പോരാട്ടത്തിനൊടുവിലാണ് പേസ്-ഹിംഗിസ് സഖ്യം കിരീടം നേടിയത്. മികച്ച പോരാട്ടം കാഴ്ചവെച്ച സാനിയ-ഡോഡിജ് സഖ്യത്തിനെതിരെ ആദ്യ സെറ്റ് നഷ്ടമായ ശേഷം സഖ്യം തിരിച്ചുവരികയായിരുന്നു. ടൈ ബ്രേക്കറാണ് കിരീടാവകാശികളെ നിര്‍ണയിച്ചത്. സ്കോര്‍: 4-6, 6-4, 10-8.

ജയത്തോടെ പേസ്-ഹിംഗിസ് സഖ്യം മിക്സഡ് ഡബിള്‍സില്‍ കരിയര്‍ ഗ്രാന്‍ഡ് സ്ലാം നേട്ടത്തിലെത്തി.