ഫ്രഞ്ച് ഓപ്പണ്‍ ടെന്നിസ് മല്‍സരങ്ങള്‍ മാറ്റിവച്ചു

കനത്ത മഴ മൂലം ഫ്രഞ്ച് ഓപ്പണ്‍ ടെന്നിസ് ചാംപ്യന്‍ഷിപ്പിലെ മല്‍സരങ്ങള്‍ മാറ്റിവച്ചു. തിങ്കളാഴ്ച ഒരു മല്‍സരം പോലും നടന്നില്ല. പുതിയ മല്‍സരക്രമം നിര്‍ണയിക്കുക എന്നതാണ് അടുത്ത നടപടി.

മല്‍സരങ്ങള്‍ പൂര്‍ണമായി ഇന്‍ഡോര്‍ കോര്‍ട്ടില്‍ നടത്തണമെന്ന ആവശ്യവും ഇതോടെ ശക്തമായി. രണ്ടായിരത്തിനുശേഷം ആദ്യമായാണ് ചാംപ്യന്‍ഷിപ്പിലെ ഒരു ദിവസം ഒന്നാകെ മഴയില്‍ ഒലിച്ചു പോകുന്നത്. പുരുഷ, വനിതാ ഒന്നാം നമ്പര്‍ താരങ്ങളായ നോവാക് ജോക്കോവിച്ച്‌, സെറിന വില്യംസ് എന്നിവരടക്കമുള്ളവരുടെ മല്‍സരങ്ങളാണ് നടക്കാതെ പോയത്. കാണികള്‍ക്ക് ടിക്കറ്റ് തുക തിരിച്ചു നല്‍കുമെന്ന് സംഘാടകര്‍ പറഞ്ഞു.