സൗഹൃദ ഫുട്‌ബോളിൽ ജോ‍ർദാനെതിരെ ഇന്ത്യക്ക് പരാജയം

അമ്മൻ: സൗഹൃദ ഫുട്‌ബോൾ മത്സരത്തിൽ ജോർദാനെതിരെ ഇന്ത്യക്ക് തോൽവി. 2-1നാണ് ജോർദാൻ ഇന്ത്യയെ തോൽപ്പിച്ചത്. അമെർ ഷാഫി (25) ഇഹ്‌സാൻ ഹദാദ് (58)
എന്നിവരാണ് ജോർദാന് വേണ്ടി ഗോൾ നേടിയത്.

പകരക്കാരനായി ഇറങ്ങിയ നിഷുകുമാറാണ് ഇന്ത്യക്കായി ആശ്വാസഗോൾ നേടിയത്. 61ാം മിനിറ്റിലായിരുന്നു ഇന്ത്യയുടെ ഗോൾ പിറന്നത്. ഇന്ത്യൻ ഗോളിയുടെ പിഴവ് മുതലാക്കി ജോർദാൻ ഗോൾകീപ്പറാണ് ആദ്യ ഗോൾ നേടിയത്.

ജോർദാൻ ഗോളി അമെർ ഷാഫി ഫുട്ബോളിൽ പുതിയ ചരിത്രം സൃഷ്ടിച്ച് ഗോളടിച്ച ഗോളിയായി മാറി. ഗോളി നീട്ടിയടിച്ച പന്താണ് 25ാം മിനിറ്റിൽ ഇന്ത്യൻ വല കുലുക്കിയത്.