സാനെ ഇല്ലാതെ ജര്‍മനി; മാനുവല്‍ ന്യൂയര്‍ ടീമില്‍

നിലവിലെ ചാമ്പ്യന്‍മാരായ ജര്‍മനി 2018 ലോകകപ്പ് ഫുട്ബോളിനുള്ള 23 അംഗ ടീമിനെ പ്രഖ്യാപിച്ചു. ഗോള്‍ കീപ്പര്‍ മാനുവല്‍ ന്യൂയര്‍ ടീമില്‍ ഇടംനേടിയിട്ടുണ്ട്. 13 പുതുമുഖ താരങ്ങള്‍ അടങ്ങിയ ടീമിനെയാണ് ജര്‍മന്‍ കോച്ച്‌ ജോക്കിം ലോവ് തിരഞ്ഞെടുത്തത്.

ലോകകപ്പില്‍ സ്വീഡന്‍, മെക്‌സിക്കോ, സൗത്ത് കൊറിയ എന്നീ ടീമുകള്‍ക്കൊപ്പം ഗ്രൂപ്പ് എഫിലാണ് ജര്‍മനിയുടെ മത്സരം. സാനെയ്ക്ക് പകരം യുവതാരം ജൂലിയന്‍ ബ്രാന്‍ഡ്ടിനെയാണ് ടീമില്‍ ഉള്‍പ്പെടുത്തിയത്. ടോണി ക്രൂസ്, ഓസില്‍, ഹമ്മല്‍സ്, മുള്ളര്‍, വെര്‍ണര്‍, ഡ്രാക്സ്ലര്‍, മാരിയോ ഗോമസ്, മാര്‍ക്കോ റൂയിസ് എന്നീ പ്രമുഖ താരങ്ങള്‍ ടീമില്‍ സ്ഥാനം പിടിച്ചിട്ടുണ്ട്.