ഗള്‍ഫ് കപ്പ് ഫുട്ബോളിന് കുവൈത്ത് വേദിയാകുന്നു

കുവൈത്ത് സിറ്റി: അന്താരാഷ്ട്ര ഫുട്ബോള്‍ ഫെഡറേഷന്‍ വിലക്ക് പിന്‍വലിച്ചതോടെ ഗള്‍ഫ് കപ്പ് ഫുട്ബോളിന് കുവൈത്ത് വേദിയാകുന്നു. കുവൈത്ത് സര്‍ക്കാര്‍ കായിക മേഖലയില്‍ ഇടപെടുന്നു എന്ന കുറ്റപ്പെടുത്തിയാണ് 2015 ല്‍ വിലക്ക് ഏര്‍പ്പെടുത്തിയത്.

വിലക്ക് പിന്‍വലിച്ചതോടെ 23-ാമത് ഗള്‍ഫ് കപ്പ് ഫുട്ബോള്‍ മത്സരത്തിനാണ് കുവൈത്ത് വേദിയാകുന്നത്. സൗദി അറേബ്യ, യു.എ.ഇ., ബഹ്റൈന്‍, ഒമാന്‍, ഖത്തര്‍, കുവൈത്ത്, ഇറാഖ്, യമന്‍ എന്നീ രാജ്യങ്ങളാണ് മത്സരങ്ങളില്‍ മാറ്റുരക്കുന്നത്.