ഹിഗ്വെയ്നെ എസി മിലാന് വിട്ടുനൽകി യുവൻറസ്

മിലാൻ: അർജൻീന സ്ട്രൈക്കർ ഗോൺസാലോ ഹ്വിഗ്വെയിനെ എ.സി.മിലാന് വിട്ടുനൽകി യുവൻറസ്. നിലവിൽ ഒരു വർഷത്തേക്കാണ് വായ്പാ അടിസ്ഥാനത്തിലുള്ള കരാർ. ഏകദേശം 143 കോടി രൂപയ്ക്കാണ് കരാർ.

റയൽ മാഡ്രിഡിൽ നിന്ന് ക്രിസ്റ്റ്യാനോ റൊണാൾഡോ എത്തിയതോടെ യുവൻറസിൽ ഹിഗ്വെയിൻ ബെഞ്ചിലിരിക്കേണ്ടി വരുമെന്ന് ഉറപ്പായിരുന്നു. ഹിഗ്വെയിനെ സ്ഥിരമായി ടീമിൽ ഉറപ്പിക്കാൻ എ.സി.മിലാൻ ശ്രമിക്കുന്നുണ്ടെന്നാണ് റിപ്പോർട്ട്.

റൊണാൾഡോ എത്തിയതോടെ ഹ്വിഗെയിനെ എങ്ങിനെ ഇറക്കും എന്ന കാര്യത്തിൽ യുവൻറസിൽ ആശങ്കയുണ്ടായിരുന്നു. ഇതോടെയാണ് താരത്തെ എ.സി.മിലാന് കൈമാറാൻ താരുമാനിച്ചത്.