എെ ലീഗിൽ ഗോകുലത്തിന് ചെന്നൈയോട് സമനില

കോഴിക്കോട്: എെ ലീഗിലെ തങ്ങളുടെ രണ്ടാം മത്സരത്തിൽ ഗോകുലം കേരള എഫ്.സിക്ക് സമനില. കോഴിക്കോട് നടന്ന മത്സരത്തിൽ ചെന്നൈ സിറ്റി എഫ്.സിയോടാണ് 1-1ന് അവർ സമനില വഴങ്ങിയത്. 22ാം മിനിറ്റിൽ സ്റ്റെഫാനിലൂടെ ഗോകുലം ആണ് ലീഡ് നേടിയത്.

എന്നാൽ ആറ് മിനിറ്റുകൾക്കുള്ളിൽ മൈക്കൽ ജോച്ചിമിലൂടെ ചെന്നൈ സമനില പിടിച്ചു. മത്സരം വിജയിക്കാൻ ഇരുടീമുകളും കിണഞ്ഞ് പരിശ്രമിച്ചെങ്കിലും ഗോൾ മാത്രം വന്നില്ല. പത്ത് ടീമുകളുള്ള ലീഗിൽ
ഒരു പോയൻറുമായി ഗോകുലം എഫ്.സി നിലവിൽ ഏഴാം സ്ഥാനത്താണ്.

ആദ്യ മത്സരത്തിൽ അവർ ഷില്ലോങ് ലെജോങിനോട് 1-0ന് പരാജയപ്പെട്ടിരുന്നു. ചെന്നൈ എട്ടാം സ്ഥാനത്താണ്.