അസ്ലൻഷാ കപ്പ് ഹോക്കി: ഇംഗ്ലണ്ടിനെതിരെ ഇന്ത്യക്ക് സമനില

ന്യൂഡൽഹി: സുൽത്താൻ അസ്ലൻഷാ കപ്പ് ഹോക്കിയിലെ രണ്ടാം മത്സരത്തിനിറങ്ങിയ ഇന്ത്യക്ക് ഇംഗ്ലണ്ടിനെതിരെ സമനില. 14–ാം മിനിറ്റിൽ ശീലാനന്ദ് ലാക്രയിലൂടെ ഇന്ത്യയാണ് ആദ്യം ഗോൾ നേടിയത്. എന്നാൽ മാർക് ഗ്ലെഗ്ഹോനിലൂടെ ഇംഗ്ലണ്ട് സമനില പിടിച്ചു.

അർജൻറീനക്കെതിരെ നടന്ന ആദ്യ മത്സരത്തിൽ ഇന്ത്യ തോറ്റിരുന്നു. രണ്ടിനെതിരെ മൂന്ന് ഗോളുകൾക്കായിരുന്നു ഇന്ത്യയുടെ പരാജയം. തിങ്കളാഴ്ച ലോക ഒന്നാം നമ്പർ ടീമായ ഓസ്ട്രേലിയയോടാണ് ഇന്ത്യയുടെ മൂന്നാം മത്സരം.