​കോമൺവെൽത്ത് ഹോക്കി: ഇന്ത്യയുടെ ആദ്യമത്സരം പാകിസ്ഥാനെതിരെ

ഗോൾഡ് കോസ്റ്റ്: കോമൺ വെൽത്ത് ഗെയിംസ് ഹോക്കിയിൽ ഇന്ത്യയുടെ ആദ്യ മത്സരം പാകിസ്ഥാനെതിരെ നടക്കും. മുൻ വർഷത്തെ രണ്ടാം സ്ഥാനക്കാരാണ് ഇന്ത്യ. ഇൻറർനാഷണൽ ഹോക്കി ഫെഡറേഷനാണ് ഷെഡ്യൂൾ പുറത്ത് വിട്ടത്.

പൂൾ ബിയിൽ ഇന്ത്യ, പാകിസ്ഥാൻ, ഇംഗ്ലണ്ട്, മലേഷ്യ, വെയിൽസ് എന്നീ ടീമുകളാണുള്ളത്. മുൻ വർഷത്തെ വെങ്കല മെഡൽ ജേതാക്കളാണ് ഇംഗ്ലണ്ട്. താരതമ്യേന എളുപ്പമുള്ള ഗ്രൂപ്പിലാണ് ഇന്ത്യ ഉൾപ്പെട്ടിരിക്കുന്നത്. ഓസ്ട്രേലിയയിലാണ് ഇത്തവണത്തെ ടൂർണമെൻറ് നടക്കുന്നത്.

അഞ്ച് തവണ ജേതാക്കളായ ഓസ്ട്രേലിയ പൂൾ എയിലാണ്. ന്യൂസിലൻറ്, ദക്ഷിണാഫ്രിക്ക, കാനഡ, സ്കോട്‍ലൻറ് എന്നിവരാണ് പൂൾ എയിലെ മറ്റ് ടീമുകൾ.