സന്ദേശ് ജിങ്കന് വലിയ ലീഗുകളില്‍ കളിക്കാനാകും: ഇന്ത്യന്‍ കോച്ച്

മുംബൈ: ഇന്ത്യന്‍ ദേശീയ ഫുട്‍ബോള്‍ ടീമിന്‍റെ ക്യാപ്റ്റന്‍ സന്ദേശ് ജിങ്കനെ പ്രശംസിച്ച് പരിശീലകന്‍ സ്റ്റീഫന്‍ കോണ്‍സ്റ്റന്‍റൈന്‍.

'വലിയ ലീഗുകളില്‍ കളിക്കാന്‍ പ്രാപ്‍തിയുള്ള കളിക്കാരനാണ് സന്ദേശ് ജിങ്കന്‍. ടീമിന്‍റെ ഘടന സന്ദേശിനെ ആശ്രയിച്ചാണുള്ളത്' ഐഎസ്‍എല്ലില്‍ കേരള ബ്ലാസ്റ്റേഴ്‍സ്‍ പ്രതിരോധതാരമായ ജിങ്കനെക്കുറിച്ച് ഇന്ത്യന്‍ കോച്ച് പറഞ്ഞു.

സുനില്‍ ഛേത്രി വിടവാങ്ങുമ്പോള്‍ നായകനാകാനുള്ള എല്ലാ യോഗ്യതയും സന്ദേശ് ജിങ്കനുണ്ടെന്നും കോണ്‍സ്റ്റന്‍റൈന്‍ പറയുന്നു. ഭാവിയിലേക്കുള്ള താരങ്ങള്‍പ്പെട്ടയാളാണ് ജിങ്കന്‍ എന്നും അദ്ദേഹം മാധ്യമങ്ങളോട് പറഞ്ഞു.

രാജ്യത്തിന് വേണ്ടി കളിക്കുന്നതാണ് ഏറ്റവും വലിയ ബഹുമതിയെന്ന് ജിങ്കന്‍ മറുപടിയായി പറഞ്ഞു. അതിനൊപ്പം നായകസ്ഥാനംകൂടി ലഭിച്ചത് വലിയകാര്യമാണെന്നും അദ്ദേഹം പറഞ്ഞു.

Indian coach heaps praises on Sandesh Jhingan

Indian football team coach Stephen Constantine praised the abilities of newly newly-appointed captain Sandesh Jhingan.