ഏഷ്യൻ ചാമ്പ്യന് കൊച്ചിയിൽ സ്വീകരണമില്ല പകരം പിഴ

ഏഷ്യൻ ചാമ്പ്യൻസ് ട്രോഫി ഹോക്കി ചാമ്പ്യനായി കൊച്ചിയിലെത്തിയ ഹോക്കി താരം ഒളിംപ്യന്‍ പി.ആര്‍.ശ്രീജേഷിന് അവഗണന. ബാംഗ്ലൂരിൽ കായികപ്രേമികളുടെ പ്രത്യേക സ്വീകരണം ലഭിച്ചെങ്കിലും കൊച്ചിയിൽ ശ്രീജേഷിനെ സ്വീകരിക്കാനെത്തിയത് രണ്ടേരണ്ടുപേ‍ർ. മലേഷ്യയില്‍ നിന്നു ചൊവ്വാഴ്ച പുലര്‍ച്ചെ ബെംഗളൂരുവില്‍ വിമാനമിറങ്ങി, ടീമിനൊപ്പം വന്‍ സ്വീകരണം ഏറ്റുവാങ്ങിയ ശേഷം വൈകിട്ടു 4.45നാണു ശ്രീജേഷ് നെടുമ്പാശേരിയില്‍ വിമാനമിറങ്ങിയത്. പക്ഷേ ഇവിടെ സ്വീകരിക്കാന്‍ ആരുമുണ്ടായില്ല. രണ്ടു ബന്ധുക്കള്‍ മാത്രമാണ് സ്വീകരിക്കാന്‍ കാത്തുനിന്നിരുന്നത്.

Extra charges for the sports equipment bag which come below 15kg ??Are they expecting me to carry makeup kit?? ..funny concept @AirAsia pic.twitter.com/yrV8vVvCDk — sreejesh p r (@16Sreejesh) November 1, 2016 കൂടാതെ വിമാന കമ്പനിയും ശ്രീജേഷിനെ അവഹേളിച്ചു. ബെംഗളൂരുവില്‍ നിന്ന് കൊച്ചിയിലേക്കുള്ള യാത്രയില്‍ അനുവദനീയമായ അളവിലുള്ള ലഗേജ് ബാഗായിരുന്നിട്ടും കായിക ഉപകരണം എന്ന പേരില്‍ 1500 രൂപ ശ്രീജേഷില്‍ നിന്ന് എയര്‍ ഏഷ്യ അധികമായി ഈടാക്കി.

പണം നല്‍കിയ ശ്രീജേഷ് നാട്ടിലെത്തിയശേഷം ട്വിറ്ററിലൂടെ ഇങ്ങനെ പ്രതികരിച്ചു: 'ഞാന്‍ മേക്കപ്പ് കിറ്റുമായി വരുമെന്നാണോ അവര്‍ പ്രതീക്ഷിച്ചത്?' കുറിക്കു കൊള്ളുന്ന ഈ ചോദ്യത്തോടൊപ്പം, അധിക തുക ഇടാക്കിയ ബില്ലും പോസ്റ്റ് ചെയ്തിട്ടുണ്ട്.
പെട്ടെന്ന് വൈറലായ ഈ പോസ്റ്റിനെത്തുടര്‍ന്ന്, വിമാന കമ്ബനിയുടെ നടപടിക്കെതിരെ വ്യാപക പ്രതിഷേധവും സമൂഹ മാധ്യമങ്ങളിലുണ്ടായി.

പ്രാദേശിക സര്‍വീസ് നടത്തുന്ന വിമാനങ്ങളില്‍ ചെക്ക് ഇന്‍ ബാഗേജ് ആയി 15 കിലോ വരെ സൗജന്യമായി അനുവദിക്കുന്നുണ്ട്. ശ്രീജേഷിന്റെ ബാഗിനു 15 കിലോയില്‍ താഴെയായിരുന്നു ഭാരം. എന്നാല്‍ ഹോക്കി ഗോള്‍കീപ്പര്‍ കാലില്‍ കെട്ടുന്ന പാഡുകള്‍ ശ്രീജേഷിന്റെ ബാഗിലുണ്ടായിരുന്നു. കായിക ഉപകരണമാണെന്നു ചൂണ്ടിക്കാട്ടി 1500 രൂപ അധികം ഈടാക്കുകയായിരുന്നു.

സ്വന്തം നാട്ടില്‍ നേരിട്ടതു കടുത്ത അവഗണനയാണെങ്കിലും ഇതിലൊന്നും തനിക്കു പരാതിയോ പരിഭവമോ ഇല്ലെന്ന് ശ്രീജേഷ് പറയുന്നു.