കൊച്ചി: ഇന്ത്യൻ ഹോക്കി ക്യാപ്ടനും ഒളിമ്പ്യനുമായ പി ആര് ശ്രീജേഷിൻ്റെ നേതൃത്വത്തിൽ കാക്കനാട് 'സ്പോര്ട്സ് സിറ്റി' പ്രവര്ത്തനമാരംഭിക്കുന്നു. ശനിയാഴ്ച വൈകിട്ട് അഞ്ച് മണിക്ക് ബെന്നി ബഹനാൻ എംപി 'സ്പോര്ട്സ് സിറ്റി' യുടെ ഉദ്ഘാടനം നിര്വഹിക്കും. വിവിധ കായിക ഇനങ്ങളുടെ പരിശീലനത്തിനുള്ള സൗകര്യമാണ് സ്പോര്ട്സ് സിറ്റിയിൽ ഒരുക്കിയിരിക്കുന്നത്.
Also Read: മെസി പറഞ്ഞിട്ടും രക്ഷയില്ല; ആ സൂപ്പര് താരത്തെ ടീമിലെടുക്കില്ലെന്ന് ബാഴ്സ
പി ആര് ശ്രീജേഷ് അധ്യക്ഷത വഹിക്കുന്ന ഉദ്ഘാടന ചടങ്ങിൽ എറണാകുളം ജില്ലാ കളക്ടര് എസ് സുഹാസ് മുഖ്യാതിഥിയാകും. കുന്നത്തുനാട് എംഎൽഎ വി പി സജീന്ദ്രൻ, സിപിഎം എറണാകുളം ജില്ലാ സെക്രട്ടറി സി എൻ മോഹനൻ, ഫുട്ബോള് താരം ഐഎം വിജയൻ, സിനിമ സംവിധായകൻ ആഷിക് അബു, ലോക പഞ്ചഗുസ്തി ചാമ്പ്യൻ ജോബി മാത്യു തുടങ്ങിയവര് ചടങ്ങിൽ പങ്കെടുക്കും.
Also Read: ഐഎസ്എല്ലില് വെള്ളിയാഴ്ച മുംബൈ സിറ്റി - ഹൈദരാബാദ് പോരാട്ടം
ബാറ്റ്മിൻ്റൺ, ഫുട്ബോൾ, റോളര് സ്ക്കേറ്റിങ്, ബാസ്ക്കറ്റ് ബോള്, വോളിബോള്, റോൾബോള്. യോഗ, കരാട്ടേ തുടങ്ങിയ കായിക ഇനങ്ങള്ക്കായുള്ള പരിശീലനം, ജിംനേഷ്യം, റെസ്റ്റോറൻ്റ്, കോൺഫറൻസ് ഹാൾ തുടങ്ങിയവയാണ് സ്പോര്ട്സ് സിറ്റിയിൽ ഒരുക്കിയിരിക്കുന്നത്. വിദേശത്തും നിന്നും സ്വദേശത്തു നിന്നുമുള്ള വിദഗ്ധരാണ് പരിശീലനം നൽകുന്നതെന്ന് സംഘാടകര് അറിയിച്ചു.
Also Read: യുവാക്കള് പോരാ.. 75 വയസുള്ള താരത്തെ സ്വന്തമാക്കി ഫുട്ബോള് ക്ലബ്ബ്!!