Korea Open 2019: ഇന്ത്യക്ക് ആശ്വാസമായി കാശ്യപ്; മലേഷ്യൻ താരത്തെ തകർത്ത് ക്വാർട്ടറിൽ

ന്യൂഡൽഹി: കൊറിയ ഓപ്പൺ ബാഡ്മിൻറണിൽ ഇന്ത്യയുടെ അവസാന പ്രതീക്ഷയായ പാറുപ്പള്ളി കാശ്യപ് മൂന്നാം റൗണ്ടിൽ കടന്നു. രണ്ടാം റൗണ്ടിൽ മലേഷ്യൻ താരം ഡാരെൻ ല്യൂവിനെ ത്രില്ലർ പോരാട്ടത്തിൽ മറികടന്നാണ് വിജയം സ്വന്തമാക്കിയത്. 56 മിനിറ്റ് നീണ്ടുനിന്ന മത്സരത്തിൽ 21-17 11-21 21-12 എന്ന് സ്കോറിനാണ് ജയം.

നേരത്തെ ഒന്നാം റൗണ്ടിൽ ചൈനീസ് തായ്പേയ് താരം ലൂ ചിയാ ഹങിനെ 21-16, 21-16 എന്ന സ്കോറിന് കാശ്യപ് തോൽപ്പിച്ചിരുന്നു. 42 മിനിറ്റാണ് മത്സരം നീണ്ടുനിന്നത്. കാശ്യപിൻെറ വിജയം കൊറിയ ഓപ്പണിൽ ഇന്ത്യക്ക് വലിയ ആശ്വാസമാണ് നൽകുന്നത്.

Read More: Korea Open 2019: പിവി സിന്ധുവിന് അട്ടിമറി തോൽവി; ആദ്യ റൗണ്ടിൽ പുറത്തായി

നേരത്തെ ലോക ചാമ്പ്യൻ പിവി സിന്ധു ഒന്നാം റൗണ്ടിൽ തന്നെ തോറ്റ് പുറത്തായിരുന്നു. സൈന നെഹ‍്‍വാളും ആദ്യ മത്സരത്തിൽ നിന്ന് പരിക്ക് മൂലം പിൻമാറുകയും ചെയ്തു. കൊറിയ ഓപ്പണിൽ ഇനി ഇന്ത്യ പ്രതീക്ഷകൾ മുഴുവൻ കാശ്യപിലാണ്.